Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15712
  • Click on a sentence to show its analysis
  • Keep the mouse pointer over a lemma to show its meanings.
brahmavādino vadanti sa tvā adhvaryuḥ syād yaḥ somam upāvaharant sarvābhyo devatābhya upāvahared iti // (1) Par.?
hṛde tvety āha // (2) Par.?
manuṣyebhya evaitena karoti // (3) Par.?
manase tvety āha // (4) Par.?
pitṛbhya evaitena karoti // (5) Par.?
dive tvā sūryāya tvety āha // (6) Par.?
devebhya evaitena karoti // (7) Par.?
etāvatīr vai devatāḥ // (8) Par.?
tābhya evainaṃ sarvābhya upāvaharati // (9) Par.?
purā vācaḥ pravaditoḥ prātaranuvākam upākaroti // (10) Par.?
yāvaty eva vāk tām avarunddhe // (11) Par.?
apo 'gre 'bhivyāharati // (12) Par.?
yajño vā āpaḥ // (13) Par.?
yajñam evābhi vācaṃ visṛjati // (14) Par.?
sarvāṇi chandāṃsy anvāha // (15) Par.?
paśavo vai chandāṃsi // (16) Par.?
paśūn evāvarunddhe // (17) Par.?
gāyatriyā tejaskāmasya paridadhyāt triṣṭubhendriyakāmasya jagatyā paśukāmasyānuṣṭubhā pratiṣṭhākāmasya paṅktyā yajñakāmasya virājānnakāmasya // (18) Par.?
śṛṇotv agniḥ samidhā havam ma ity āha // (19) Par.?
savitṛprasūta eva devatābhyo nivedyāpo 'cchaiti // (20) Par.?
apa iṣya hotar ity āha // (21) Par.?
iṣitaṃ hi karma kriyate // (22) Par.?
maitrāvaruṇasya camasādhvaryav ādravety āha // (23) Par.?
maitrāvaruṇau vā apāṃ netārau // (24) Par.?
tābhyām evainā acchaiti // (25) Par.?
devīr āpo apāṃ napād ity āha // (26) Par.?
āhutyaivainā niṣkrīya gṛhṇāti // (27) Par.?
atho haviṣkṛtānām evābhighṛtānāṃ gṛhṇāti // (28) Par.?
kārṣir asīty āha // (29) Par.?
śamalam evāsām apaplāvayati // (30) Par.?
samudrasya vo 'kṣityā unnaya ity āha // (31) Par.?
tasmād adyamānāḥ pīyamānā āpo na kṣīyante // (32) Par.?
yonir vai yajñasya cātvālam // (33) Par.?
yajño vasatīvarīḥ // (34) Par.?
hotṛcamasaṃ ca maitrāvaruṇacamasaṃ ca saṃsparśya vasatīvarīr vyānayati // (35) Par.?
yajñasya sayonitvāya // (36) Par.?
atho svād evainā yoneḥ prajanayati // (37) Par.?
adhvaryo 'ver apā3 ity āha // (38) Par.?
utem anaṃnamur utemāḥ paśyeti vāvaitad āha // (39) Par.?
yady agniṣṭomo juhoti // (40) Par.?
yady ukthyaḥ paridhau nimārṣṭi // (41) Par.?
yady atirātro yajur vadan prapadyate yajñakratūnāṃ vyāvṛttyai // (42) Par.?
Duration=0.082209825515747 secs.