Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15713
  • Click on a sentence to show its analysis
  • Keep the mouse pointer over a lemma to show its meanings.
devasya tvā savituḥ prasava iti grāvāṇam ādatte prasūtyai // (1) Par.?
aśvinor bāhubhyām ity āha // (2) Par.?
aśvinau hi devānām adhvaryū āstām // (3) Par.?
pūṣṇo hastābhyām ity āha yatyai // (4) Par.?
paśavo vai somaḥ // (5) Par.?
vyāna upāṃśusavanaḥ // (6) Par.?
yad upāṃśusavanam abhimimīte vyānam eva paśuṣu dadhāti // (7) Par.?
indrāya tvendrāya tveti mimīte // (8) Par.?
indrāya hi soma āhriyate // (9) Par.?
pañca kṛtvo yajuṣā mimīte // (10) Par.?
pañcākṣarā paṅktiḥ // (11) Par.?
pāṅkto yajñaḥ // (12) Par.?
yajñam evāvarunddhe // (13) Par.?
pañca kṛtvas tūṣṇīm // (14) Par.?
daśa sampadyante // (15) Par.?
daśākṣarā virāṭ // (16) Par.?
annaṃ virāṭ // (17) Par.?
virājaivānnādyam avarunddhe // (18) Par.?
śvātrā stha vṛtratura ity āha // (19) Par.?
eṣa vā apāṃ somapīthaḥ // (20) Par.?
ya evaṃ veda nāpsv ārtim ārcchati // (21) Par.?
yat te soma divi jyotir ity āha // (22) Par.?
ebhya evainaṃ lokebhyaḥ saṃbharati // (23) Par.?
somo vai rājā diśo 'bhyadhyāyat // (24) Par.?
sa diśo 'nuprāviśat // (25) Par.?
prāg apāg udag adharāg ity āha // (26) Par.?
digbhya evainaṃ saṃbharati // (27) Par.?
atho diśa evāsmā avarunddhe // (28) Par.?
amba niṣvarety āha // (29) Par.?
kāmukā enaṃ striyo bhavanti ya evaṃ veda // (30) Par.?
yat te somādābhyaṃ nāma jāgṛvīty āha // (31) Par.?
eṣa vai somasya somapīthaḥ // (32) Par.?
ya evaṃ veda na saumyām ārtim ārcchati // (33) Par.?
ghnanti vā etat somaṃ yad abhiṣuṇvanti // (34) Par.?
aṃśūn apagṛhṇāti // (35) Par.?
trāyata evainam // (36) Par.?
prāṇā vā aṃśavaḥ // (37) Par.?
paśavaḥ somaḥ // (38) Par.?
aṃśūn punar apisṛjati // (39) Par.?
prāṇān eva paśuṣu dadhāti // (40) Par.?
dvau dvāv apisṛjati // (41) Par.?
tasmād dvau dvau prāṇāḥ // (42) Par.?
Duration=0.12145614624023 secs.