Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15714
  • Click on a sentence to show its analysis
  • Keep the mouse pointer over a lemma to show its meanings.
prāṇo vā eṣa yad upāṃśuḥ // (1) Par.?
yad upāṃśvagrā grahā gṛhyante prāṇam evānu prayanti // (2) Par.?
aruṇo ha smāhaupaveśiḥ // (3) Par.?
prātaḥsavana evāhaṃ yajñaṃ saṃsthāpayāmi // (4) Par.?
tena tataḥ saṃsthitena carāmīti // (5) Par.?
aṣṭau kṛtvo 'gre 'bhiṣuṇoti // (6) Par.?
aṣṭākṣarā gāyatrī // (7) Par.?
gāyatram prātaḥsavanam // (8) Par.?
prātaḥsavanam eva tenāpnoti // (9) Par.?
ekādaśa kṛtvo dvitīyam // (10) Par.?
ekādaśākṣarā triṣṭup // (11) Par.?
traiṣṭubham mādhyaṃdinaṃ savanam // (12) Par.?
mādhyaṃdinam eva savanaṃ tenāpnoti // (13) Par.?
dvādaśa kṛtvas tṛtīyam // (14) Par.?
dvādaśākṣarā jagatī // (15) Par.?
jāgataṃ tṛtīyasavanam // (16) Par.?
tṛtīyasavanam eva tenāpnoti // (17) Par.?
etāṃ ha vāva sa yajñasya saṃsthitim uvācāskandāya // (18) Par.?
askannaṃ hi tad yad yajñasya saṃsthitasya skandati // (19) Par.?
atho khalv āhur gāyatrī vāva prātaḥsavane nātivāda iti // (20) Par.?
anativāduka enam bhrātṛvyo bhavati ya evaṃ veda // (21) Par.?
tasmād aṣṭāvaṣṭau kṛtvo 'bhiṣutyam // (22) Par.?
brahmavādino vadanti // (23) Par.?
pavitravanto 'nye grahā gṛhyante // (24) Par.?
kimpavitra upāṃśur iti // (25) Par.?
vākpavitra iti brūyāt // (26) Par.?
vācaspataye pavasva vājinn ity āha // (27) Par.?
vācaivainam pavayati // (28) Par.?
vṛṣṇo aṃśubhyām ity āha // (29) Par.?
vṛṣṇo hy etāv aṃśū yau somasya // (30) Par.?
gabhastipūta ity āha // (31) Par.?
gabhastinā hy enam pavayati // (32) Par.?
devo devānām pavitram asīty āha // (33) Par.?
devo hy eṣo devānām pavitram // (34) Par.?
yeṣām bhāgo 'si tebhyas tvety āha // (35) Par.?
yeṣāṃ hy eṣa bhāgas tebhya enaṃ gṛhṇāti // (36) Par.?
svāṃkṛto 'sīty āha // (37) Par.?
prāṇam eva svam akṛta // (38) Par.?
madhumatīr na iṣas kṛdhīty āha // (39) Par.?
sarvam evāsmā idaṃ svadayati // (40) Par.?
viśvebhyas tvendriyebhyo divyebhyaḥ pārthivebhya ity āha // (41) Par.?
ubhayeṣv eva devamanuṣyeṣu prāṇān dadhāti // (42) Par.?
manas tvāṣṭv ity āha // (43) Par.?
mana evāśnute // (44) Par.?
urv antarikṣam anvihīty āha // (45) Par.?
antarikṣadevatyo hi prāṇaḥ // (46) Par.?
svāhā tvā subhavaḥ sūryāyety āha // (47) Par.?
prāṇā vai svabhavaso devāḥ // (48) Par.?
teṣv eva parokṣaṃ juhoti // (49) Par.?
devebhyas tvā marīcipebhya ity āha // (50) Par.?
ādityasya vai raśmayo devā marīcipāḥ // (51) Par.?
teṣāṃ tad bhāgadheyam // (52) Par.?
tān eva tena prīṇāti // (53) Par.?
yadi kāmayeta varṣukaḥ parjanyaḥ syād iti nīcā hastena nimṛjyāt // (54) Par.?
vṛṣṭim eva niyacchati // (55) Par.?
yadi kāmayetāvarṣukaḥ syād ity uttānena nimṛjyāt // (56) Par.?
vṛṣṭim evodyacchati // (57) Par.?
yady abhicared amuṃ jahy atha tvā hoṣyāmīti brūyāt // (58) Par.?
āhutim evainam prepsan hanti // (59) Par.?
yadi dūre syād ā tamitos tiṣṭhet // (60) Par.?
prāṇam evāsyānugatya hanti // (61) Par.?
yady abhicared amuṣya tvā prāṇe sādayāmīti sādayet // (62) Par.?
asanno vai prāṇaḥ // (63) Par.?
prāṇam evāsya sādayati // (64) Par.?
ṣaḍbhir aṃśubhiḥ pavayati // (65) Par.?
ṣaḍ vā ṛtavaḥ // (66) Par.?
ṛtubhir evainam pavayati // (67) Par.?
triḥ pavayati // (68) Par.?
traya ime lokāḥ // (69) Par.?
ebhir evainaṃ lokaiḥ pavayati // (70) Par.?
brahmavādino vadanti kasmāt satyāt trayaḥ paśūnāṃ hastādānā iti // (71) Par.?
yat trir upāṃśuṃ hastena vigṛhṇāti tasmāt trayaḥ paśūnāṃ hastādānāḥ puruṣo hastī markaṭaḥ // (72) Par.?
Duration=0.17820501327515 secs.