Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15722
  • Click on a sentence to show its analysis
  • Keep the mouse pointer over a lemma to show its meanings.
devā vai yad yajñe 'kurvata tad asurā akurvata // (1) Par.?
te devā upāṃśau yajñaṃ saṃsthāpyam apaśyan // (2) Par.?
tam upāṃśau samasthāpayan // (3) Par.?
te 'surā vajram udyatya devān abhyāyanta // (4) Par.?
te devā bibhyata indram upādhāvan // (5) Par.?
tān indro 'ntaryāmeṇāntaradhatta // (6) Par.?
tad antaryāmasyāntaryāmatvam // (7) Par.?
yad antaryāmo gṛhyate bhrātṛvyān eva tad yajamāno 'ntardhatte // (8) Par.?
antas te dadhāmi dyāvāpṛthivī antar urv antarikṣam ity āha // (9) Par.?
ebhir eva lokair yajamāno bhrātṛvyān antardhatte // (10) Par.?
te devā amanyantendro vā idam abhūd yad vayaṃ sma iti // (11) Par.?
te 'bruvan maghavann anu na ābhajeti // (12) Par.?
sajoṣā devair avaraiḥ paraiś cety abravīt // (13) Par.?
ye caiva devāḥ pare ye cāvare tān ubhayān anvābhajat // (14) Par.?
sajoṣā devair avaraiḥ paraiś cety āha // (15) Par.?
ye caiva devāḥ pare ye cāvare tān ubhayān anvābhajati // (16) Par.?
antaryāme maghavan mādayasvety āha // (17) Par.?
yajñād eva yajamānaṃ nāntareti // (18) Par.?
upayāmagṛhīto 'sīty āhāpānasya dhṛtyai // (19) Par.?
yad ubhāv apavitrau gṛhyeyātām prāṇam apāno 'nunyṛcchet pramāyukaḥ syāt // (20) Par.?
pavitravān antaryāmo gṛhyate prāṇāpānayor vidhṛtyai // (21) Par.?
prāṇāpānau vā etau yad upāṃśvantaryāmau // (22) Par.?
vyāna upāṃśusavanaḥ // (23) Par.?
yaṃ kāmayeta pramāyukaḥ syād ity asaṃspṛṣṭau tasya sādayet // (24) Par.?
vyānenaivāsya prāṇāpānau vicchinatti // (25) Par.?
tājak pramīyate // (26) Par.?
yaṃ kāmayeta sarvam āyur iyād iti saṃspṛṣṭau tasya sādayet // (27) Par.?
vyānenaivāsya prāṇāpānau saṃtanoti // (28) Par.?
sarvam āyur eti // (29) Par.?
Duration=0.050716161727905 secs.