Texts

yajñena vā eṣa vyṛdhyate yo 'gnim utsādayate // (1) Par.?

pāṅkto yajñaḥ // (2) Par.?

yat pañcakapālaḥ // (3) Par.?

yajñam evālabhate // (4) Par.?

tad āhuḥ // (5) Par.?

aṣṭākapāla eva kāryo na pañcakapāla iti // (6) Par.?

aṣṭākṣarā gāyatrī // (7) Par.?

gāyatro 'gnir gāyatracchandāḥ // (8) Par.?

āgneyam etat kriyate yat punarādheyam // (9) Par.?

tasmād aṣṭākapālaḥ // (10) Par.?

tat tan na sūrkṣyam // (11) Par.?

pañcakapāla eva kāryaḥ // (12) Par.?

agnir vā utsīdan saṃvatsaram anūtsīdati // (13) Par.?

pañca vā ṛtavas saṃvatsaraḥ // (14) Par.?

pañcathād vā adhy ṛtoṣ ṣaṣṭha ṛtur babhūva // (15) Par.?

samānam etad yat pañcathaś cartuṣ ṣaṣṭhaś ca // (16) Par.?

yat pañcakapālaḥ // (17) Par.?

saṃvatsarād evainam adhy avarunddhe // (18) Par.?

pañca vā ṛtavaḥ // (19) Par.?

prajananam ṛtavaḥ // (20) Par.?

yat pañcakapālaḥ // (21) Par.?

prajananāya // (22) Par.?

prajananaṃ vā ṛtavo 'gniḥ prajanayitā // (23) Par.?

yat pañcakapālaḥ // (24) Par.?

prajananād evainaṃ prajanayitā prajanayati // (25) Par.?

ādityā vā itas sarveṇaiva sahāmuṃ lokam āyan // (26) Par.?

te 'muṃ lokaṃ gatvā vyatṛṣyan // (27) Par.?

te 'viduḥ // (28) Par.?

amutaḥpradānād vā ihājagāmeti // (29) Par.?

ta etaṃ punar ādadhata // (30) Par.?

tenārdhnuvan // (31) Par.?

ādityā vā asmiṃl loka ṛddhāḥ // (32) Par.?

ādityā amuṣmin // (33) Par.?

paśavo 'smin // (34) Par.?

ṛtavo 'muṣmin // (35) Par.?

ubhayor eva lokayor ṛdhnoti ya evaṃ vidvān etam ādhatte // (36) Par.?

ketas suketas saketas te na ādityā juṣāṇā asya haviṣo vyantu svāhā // (37) Par.?

salilas saligas sagaras te na ādityā juṣāṇā asya haviṣo vyantu svāhā // (38) Par.?

divo jyotir vivasva āditya te no devā deveṣu satyāṃ devahūtim āsuvadhvam // (39) Par.?

ādityebhyas svāheti // (40) Par.?

etair vai te tam ādadhata // (41) Par.?

tenārdhnuvan // (42) Par.?

yadā vā etair ādhatte 'thāhitaḥ // (43) Par.?

ādityo hi punarādheyaḥ // (44) Par.?