Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15723
  • Click on a sentence to show its analysis
  • Keep the mouse pointer over a lemma to show its meanings.
vāg vā eṣā yad aindravāyavaḥ // (1) Par.?
yad aindravāyavāgrā grahā gṛhyante vācam evānu prayanti // (2) Par.?
vāyuṃ devā abruvan somaṃ rājānaṃ hanāmeti // (3) Par.?
so 'bravīt // (4) Par.?
varaṃ vṛṇai // (5) Par.?
madagrā eva vo grahā gṛhyāntā iti // (6) Par.?
tasmād aindravāyavāgrā grahā gṛhyante // (7) Par.?
tam aghnan // (8) Par.?
so 'pūyat // (9) Par.?
taṃ devā nopādhṛṣṇuvan // (10) Par.?
te vāyum abruvann imaṃ naḥ svadayeti // (11) Par.?
so 'bravīt // (12) Par.?
varaṃ vṛṇai // (13) Par.?
maddevatyāny eva vaḥ pātrāṇy ucyāntā iti // (14) Par.?
tasmān nānādevatyāni santi vāyavyāny ucyante // (15) Par.?
tam ebhyo vāyur evāsvadayat // (16) Par.?
tasmād yat pūyati tat pravāte viṣajanti // (17) Par.?
vāyur hi tasya pavayitā svadayitā // (18) Par.?
tasya vigrahaṇaṃ nāvindan // (19) Par.?
sāditir abravīt // (20) Par.?
varaṃ vṛṇai // (21) Par.?
atha mayā vigṛhṇīdhvam // (22) Par.?
maddevatyā eva vaḥ somāḥ sannā asann iti // (23) Par.?
upayāmagṛhīto 'sīty āha // (24) Par.?
aditidevatyās tena // (25) Par.?
yāni hi dārumayāṇi pātrāṇy asyai tāni yoneḥ sambhūtāni // (26) Par.?
yāni mṛnmayāni sākṣāt tāny asyai // (27) Par.?
tasmād evam āha // (28) Par.?
vāg vai parācy avyākṛtāvadat // (29) Par.?
te devā indram abruvann imāṃ no vācaṃ vyākurv iti // (30) Par.?
so 'bravīt // (31) Par.?
varaṃ vṛṇai // (32) Par.?
mahyaṃ caivaiṣa vāyave ca saha gṛhyātā iti // (33) Par.?
tasmād aindravāyavaḥ saha gṛhyate // (34) Par.?
tām indro madhyato 'vakramya vyākarot // (35) Par.?
tasmād iyaṃ vyākṛtā vāg udyate // (36) Par.?
tasmāt sakṛd indrāya madhyato gṛhyate dvir vāyave // (37) Par.?
dvau hi sa varāv avṛṇīta // (38) Par.?
Duration=0.068252086639404 secs.