Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 15734

Click on a sentence to show its analysis
Keep the mouse pointer over a lemma to show its meanings.

tasyai vā etasyā ekādaśinyai yājyāpuronuvākyāś caiva nānā // (1) Par.?

manotāyai ca haviṣaḥ // (2) Par.?

athetarat samānam // (3) Par.?

āgneyaḥ prathamaḥ // (4) Par.?

brahma vā agnir brahmayaśasasyāvaruddhyai // (5) Par.?

sārasvato dvitīyaḥ // (6) Par.?

vāg vai sarasvatī // (7) Par.?

vācā vā idaṃ svaditam annam adyate 'nnādyasyopāptyai // (8) Par.?

saumyas tṛtīyaḥ // (9) Par.?

kṣatraṃ vai somaḥ kṣatrayaśasasyāvaruddhyai // (10) Par.?

pauṣṇaś caturthaḥ // (11) Par.?

annaṃ vai pūṣānnādyasyopāptyai // (12) Par.?

bārhaspatyaḥ pañcamaḥ // (13) Par.?

brahma vai bṛhaspatir brahmayaśasasyāvaruddhyai // (14) Par.?

vaiśvadevaḥ ṣaṣṭhaḥ // (15) Par.?

viśvarūpaṃ vā idam annam adyate 'nnādyasyopāptyai // (16) Par.?

aindraḥ saptamaḥ // (17) Par.?

kṣatraṃ vā indraḥ kṣatrayaśasasyāvaruddhyai // (18) Par.?

māruto 'ṣṭamaḥ // (19) Par.?

āpo vai marutaḥ // (20) Par.?

brahmakṣatre vā indrāgnī brahmayaśasasya ca kṣatrayaśasasya cāvaruddhyai // (21) Par.?

sāvitro daśamaḥ // (22) Par.?

savitṛprasūtaṃ vā idam annam adyate 'nnādyasyopāptyai // (23) Par.?

vāruṇa ekādaśaḥ // (24) Par.?

kṣatraṃ vai varuṇaḥ kṣatrayaśasasyāvaruddhyai // (25) Par.?

evaṃ vai prajāpatir brahmaṇā ca kṣatreṇa ca kṣatreṇa ca brahmaṇā cobhayato 'nnādyaṃ parigṛhṇāno 'varundhāna ait // (26) Par.?

tatho evaitad yajamāna evam eva brahmaṇā ca kṣatreṇa ca kṣatreṇa ca brahmaṇā cobhayato 'nnādyaṃ parigṛhṇāno 'varundhāna ety avarundhāna eti // (27) Par.?

Duration=0.052511930465698 secs.