Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15752
  • Click on a sentence to show its analysis
  • Keep the mouse pointer over a lemma to show its meanings.
devā vai yad yajñe 'kurvata tad asurā akurvata // (1) Par.?
te devā āgrayaṇāgrān grahān apaśyan // (2) Par.?
tān agṛhṇata // (3) Par.?
tato vai te 'gram paryāyan // (4) Par.?
yasyaivaṃ viduṣa āgrayaṇāgrā grahā gṛhyante 'gram eva samānānām paryeti // (5) Par.?
rugṇavatyarcā bhrātṛvyavato gṛhṇīyāt // (6) Par.?
bhrātṛvyasyaiva ruktvāgraṃ samānānām paryeti // (7) Par.?
ye devā divy ekādaśa sthety āha // (8) Par.?
etāvatīr vai devatāḥ // (9) Par.?
tābhya evainaṃ sarvābhyo gṛhṇāti // (10) Par.?
eṣa te yoniḥ // (11) Par.?
viśvebhyas tvā devebhya ity āha // (12) Par.?
vaiśvadevo hy eṣa devatayā // (13) Par.?
vāg vai devebhyo 'pākrāmad yajñāyātiṣṭhamānā // (14) Par.?
te devā vācy apakrāntāyāṃ tūṣṇīṃ grahān agṛhṇata // (15) Par.?
sāmanyata vāg antar yanti vai meti // (16) Par.?
sāgrayaṇam pratyāgacchat // (17) Par.?
tad āgrayaṇasyāgrayaṇatvam // (18) Par.?
tasmād āgrayaṇe vāg visṛjyate // (19) Par.?
yat tūṣṇīm pūrve grahā gṛhyante // (20) Par.?
yathā tsārī // (21) Par.?
iyati ma ākha iyati nāparātsyāmīti // (22) Par.?
upāvasṛjaty evam eva tad adhvaryur āgrayaṇaṃ gṛhītvā yajñam ārabhya vācaṃ visṛjate // (23) Par.?
trir hiṃkaroti // (24) Par.?
udgātṝn eva tad vṛṇīte // (25) Par.?
prajāpatir vā eṣa yad āgrayaṇaḥ // (26) Par.?
yad āgrayaṇaṃ gṛhītvā hiṃkaroti prajāpatir eva tat prajā abhijighrati // (27) Par.?
tasmād vatsaṃ jātaṃ gaur abhijighrati // (28) Par.?
ātmā vā eṣa yajñasya yad āgrayaṇaḥ // (29) Par.?
savane savane 'bhigṛhṇāti // (30) Par.?
ātmann eva yajñaṃ saṃtanoti // (31) Par.?
upariṣṭād ānayati // (32) Par.?
reta eva tad dadhāti // (33) Par.?
adhastād upagṛhṇāti // (34) Par.?
prajanayaty eva tat // (35) Par.?
brahmavādino vadanti kasmāt satyād gāyatrī kaniṣṭhā chandasāṃ satī sarvāṇi savanāni vahatīti // (36) Par.?
eṣa vai gāyatriyai vatso yad āgrayaṇaḥ // (37) Par.?
tam eva tad abhinivartaṃ sarvāṇi savanāni vahati // (38) Par.?
tasmād vatsam apākṛtaṃ gaur abhinivartate // (39) Par.?
Duration=0.061450004577637 secs.