Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15775
  • Click on a sentence to show its analysis
  • Keep the mouse pointer over a lemma to show its meanings.
indro vṛtrāya vajram udayacchat // (1) Par.?
sa vṛtro vajrād udyatād abibhet // (2) Par.?
so 'bravīt // (3) Par.?
mā me prahāḥ // (4) Par.?
asti vā idam mayi vīryam // (5) Par.?
tat te pradāsyāmīti // (6) Par.?
tasmā ukthyam prāyacchat // (7) Par.?
tasmai dvitīyam udayacchat // (8) Par.?
so 'bravīt // (9) Par.?
mā me prahāḥ // (10) Par.?
asti vā idaṃ mayi vīryam // (11) Par.?
tat te pradāsyāmīti // (12) Par.?
tasmā ukthyam eva prāyacchat // (13) Par.?
tasmai tṛtīyam udayacchat // (14) Par.?
taṃ viṣṇur anvatiṣṭhata // (15) Par.?
jahīti so 'bravīt // (16) Par.?
mā me prahāḥ // (17) Par.?
asti vā idam mayi vīryam // (18) Par.?
tat te pradāsyāmīti // (19) Par.?
tasmā ukthyam eva prāyacchat // (20) Par.?
taṃ nirmāyam bhūtam ahan // (21) Par.?
yajño hi tasya māyāsīt // (22) Par.?
yad ukthyo gṛhyata indriyam eva tad vīryaṃ yajamāno bhrātṛvyasya vṛṅkte // (23) Par.?
indrāya tvā bṛhadvate vayasvata ity āha // (24) Par.?
indrāya hi sa tam prāyacchat // (25) Par.?
tasmai tvā viṣṇave tvety āha // (26) Par.?
yad eva viṣṇur anvatiṣṭhata jahīti tasmād viṣṇum anvābhajati // (27) Par.?
trir nirgṛhṇāti // (28) Par.?
trir hi sa taṃ tasmai prāyacchat // (29) Par.?
eṣa te yoniḥ // (30) Par.?
punarhavir asīty āha // (31) Par.?
punaḥ puno hy asmān nirgṛhṇāti // (32) Par.?
cakṣur vā etad yajñasya yad ukthyaḥ // (33) Par.?
tasmād ukthyaṃ hutaṃ somā anvāyanti // (34) Par.?
tasmād ātmā cakṣur anveti // (35) Par.?
tasmād ekaṃ yantam bahavo 'nuyanti // (36) Par.?
tasmād eko bahūnām bhadro bhavati // (37) Par.?
tasmād eko bahvīr jāyā vindate // (38) Par.?
yadi kāmayetādhvaryur ātmānaṃ yajñayaśasenārpayeyam ity antarāhavanīyaṃ ca havirdhānaṃ ca tiṣṭhann avanayet // (39) Par.?
ātmānam eva yajñayaśasenārpayati // (40) Par.?
yadi kāmayeta yajamānaṃ yajñayaśasenārpayeyam ity antarā sadohavirdhāne tiṣṭhann avanayet // (41) Par.?
yajamānam eva yajñayaśasenārpayati // (42) Par.?
yadi kāmayeta sadasyān yajñayaśasenārpayeyam iti sada ālabhyāvanayet // (43) Par.?
sadasyān eva yajñayaśasenārpayati // (44) Par.?
Duration=0.079880952835083 secs.