Texts

Help

Select a text:
Bibliography
Select a chapter:
 (no revisions)
Associated topic(s): cāturmāsya, sākamedha

Show parallels  Show headlines
Use dependency labeler
Chapter id: 12428
  • Click on a sentence to show its analysis
  • Keep the mouse pointer over a lemma to show its meanings.
aindro vā eṣa yajñakratur yat sākamedhāḥ // (1) Par.?
tad yathā mahārājaḥ purastāt senānīkāni pratyūhyābhayaṃ panthānam anviyāt // (2) Par.?
evam evaitat purastād devatā yajati // (3) Par.?
tad yathādaḥ somasya mahāvratam // (4) Par.?
evam evaitad iṣṭimahāvratam // (5) Par.?
atha yad agnim anīkavantaṃ prathamaṃ devatānāṃ yajati // (6) Par.?
agnir vai devānāṃ mukham // (7) Par.?
mukhata eva taddevān prīṇāti // (8) Par.?
atha yan madhyaṃdine marutaḥ sāṃtapanān yajati // (9) Par.?
madhyaṃdine vai saṃtapati // (10) Par.?
tasmān madhyaṃdine marutaḥ sāṃtapanān yajati // (11) Par.?
atho indrasya vai marutaḥ // (12) Par.?
aindro madhyaṃdinaḥ // (13) Par.?
tasmān madhyaṃdine marutaḥ sāṃtapanān yajati // (14) Par.?
atha yat sāyaṃ gṛhamedhīyena caranti // (15) Par.?
puṣṭikarma vā etad yad gṛhamedhīyaḥ // (16) Par.?
sāyaṃ poṣaḥ // (17) Par.?
tasmāt poṣavantāvājyabhāgau bhavataḥ // (18) Par.?
yajamānam eva tat poṣayati // (19) Par.?
atha yat prātaḥ pūrṇadarveṇa caranti // (20) Par.?
pūrvedyuḥ karmaṇā evaitat prātaḥ karmopasaṃtanoti // (21) Par.?
Duration=0.059825897216797 secs.