Texts

Help

Select a text:
Bibliography
Select a chapter:
 (no revisions)
Associated topic(s): Names of Śiva, sahasranāman, Rudra

Show parallels  Show headlines
Use dependency labeler
Chapter id: 12455
  • Click on a sentence to show its analysis
  • Keep the mouse pointer over a lemma to show its meanings.
taṃ pañcamam abhyāyacchat // (1) Par.?
tam abravīt kathā mābhyāyacchasīti // (2) Par.?
pañcamaṃ me nāma kurv ityabravīt // (3) Par.?
na vā idaṃ caturbhir nāmabhir annam atsyāmīti // (4) Par.?
sa vai tvam ity abravīn mahān eva deva iti // (5) Par.?
yan mahān deva ādityas tena // (6) Par.?
na ha vā enaṃ mahān devo hinasti // (7) Par.?
nāsya prajāṃ nāsya paśūn nāsya bruvāṇaṃ cana // (8) Par.?
atha ya enaṃ dveṣṭi // (9) Par.?
sa eva pāpīyān bhavati // (10) Par.?
na sa ya evaṃ veda // (11) Par.?
tasya vratam udyantam evainaṃ nekṣetāstaṃ yantaṃ ceti // (12) Par.?
taṃ ṣaṣṭham abhyāyacchat // (13) Par.?
tam abravīt kathā mābhyāyacchasīti // (14) Par.?
ṣaṣṭhaṃ me nāma kurv ity abravīt // (15) Par.?
na vā idaṃ pañcabhir nāmabhir annam atsyāmīti // (16) Par.?
sa vai tvam ity abravīd rudra eveti // (17) Par.?
yad rudraścandramās tena // (18) Par.?
na ha vā enaṃ rudro hinasti // (19) Par.?
nāsya prajāṃ nāsya paśūn nāsya bruvāṇaṃ cana // (20) Par.?
atha ya enaṃ dveṣṭi // (21) Par.?
sa eva pāpīyān bhavati // (22) Par.?
na sa ya evaṃ veda // (23) Par.?
tasya vrataṃ vimūrtam eva nāśnīyān majjānaṃ ceti // (24) Par.?
taṃ saptamam abhyāyacchat // (25) Par.?
tam abravīt kathā mābhyāyacchasīti // (26) Par.?
saptamaṃ me nāma kurvity abravīt // (27) Par.?
na vā idaṃ ṣaḍbhir nāmabhir annam atsyāmīti // (28) Par.?
sa vai tvam ity abravīd īśāna eveti // (29) Par.?
yad īśāno 'nnaṃ tena // (30) Par.?
na ha vā enam īśāno hinasti // (31) Par.?
nāsya prajāṃ nāsya paśūn nāsya bruvāṇaṃ cana // (32) Par.?
atha ya enaṃ dveṣṭi // (33) Par.?
sa eva pāpīyān bhavati // (34) Par.?
na sa ya evaṃ veda // (35) Par.?
tasya vratam annam evecchamānaṃ na pratyācakṣīteti // (36) Par.?
tam aṣṭamam abhyāyacchati // (37) Par.?
tam abravīt kathā mābhyāyacchasīti // (38) Par.?
aṣṭamaṃ me nāma kurvity abravīt // (39) Par.?
na vā idaṃ saptabhir nāmabhir annam atsyāmīti // (40) Par.?
sa vai tvam ity abravīd aśanir eveti // (41) Par.?
yad aśanir indras tena // (42) Par.?
na ha vā enam aśanir hinasti // (43) Par.?
nāsya prajāṃ nāsya paśūn nāsya bruvāṇaṃ cana // (44) Par.?
atha ya enaṃ dveṣṭi // (45) Par.?
sa eva pāpīyān bhavati // (46) Par.?
na sa ya evaṃ veda // (47) Par.?
tasya vrataṃ satyam eva vadeddhiraṇyaṃ ca bibhṛyād iti // (48) Par.?
sa eṣo 'ṣṭanāmā // (49) Par.?
aṣṭadhā vihito mahān devaḥ // (50) Par.?
ā ha vā asyāṣṭamāt puruṣāt prajānnam atti // (51) Par.?
vasīyān vasīyān haivāsya prajāyām ājāyate ya evaṃ veda // (52) Par.?
Duration=0.11164808273315 secs.