Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15873
  • Click on a sentence to show its analysis
  • Keep the mouse pointer over a lemma to show its meanings.
avabhṛthayajūṃṣi juhoti // (1) Par.?
yad evārvācīnam ekahāyanād enaḥ karoti tad eva tair avayajate // (2) Par.?
apo 'vabhṛtham avaiti // (3) Par.?
apsu vai varuṇaḥ // (4) Par.?
sākṣād eva varuṇam avayajate // (5) Par.?
vartmanā vā anvitya yajñaṃ rakṣāṃsi jighāṃsanti // (6) Par.?
sāmnā prastotānvavaiti // (7) Par.?
sāma vai rakṣohā rakṣasām apahatyai // (8) Par.?
trir nidhanam upaiti // (9) Par.?
traya ime lokāḥ // (10) Par.?
ebhya eva lokebhyo rakṣāṃsy apahanti // (11) Par.?
puruṣaḥpuruṣo nidhanam upaiti // (12) Par.?
puruṣaḥpuruṣo hi rakṣasvī // (13) Par.?
rakṣasām apahatyai // (14) Par.?
uruṃ hi rājā varuṇaś cakārety āha pratiṣṭhityai // (15) Par.?
śataṃ te rājan bhiṣajaḥ sahasram ity āha // (16) Par.?
bheṣajam evāsmai karoti // (17) Par.?
abhiṣṭhito varuṇasya pāśa ity āha // (18) Par.?
varuṇapāśam evābhitiṣṭhati // (19) Par.?
barhir abhijuhoty āhutīnām pratiṣṭhityai // (20) Par.?
atho agnivaty eva juhoti // (21) Par.?
apabarhiṣaḥ prayājān yajati // (22) Par.?
prajā vai barhiḥ // (23) Par.?
prajā eva varuṇapāśān muñcati // (24) Par.?
ājyabhāgau yajati // (25) Par.?
yajñasyaiva cakṣuṣī nāntareti // (26) Par.?
varuṇaṃ yajati // (27) Par.?
varuṇapāśād evainam muñcati // (28) Par.?
agnīvaruṇau yajati // (29) Par.?
sākṣād evainaṃ varuṇapāśān muñcati // (30) Par.?
apabarhiṣāv anūyājau yajati // (31) Par.?
prajā vai barhiḥ // (32) Par.?
prajā eva varuṇapāśān muñcati // (33) Par.?
caturaḥ prayājān yajati dvāv anūyājau // (34) Par.?
ṣaṭ sampadyante // (35) Par.?
ṣaḍ vā ṛtavaḥ // (36) Par.?
ṛtuṣv eva pratitiṣṭhati // (37) Par.?
avabhṛtha nicaṅkuṇety āha // (38) Par.?
yathoditam eva varuṇam avayajate // (39) Par.?
samudre te hṛdayam apsv antar ity āha // (40) Par.?
samudre hy antar varuṇaḥ // (41) Par.?
saṃ tvā viśantv oṣadhīr utāpa ity āha // (42) Par.?
adbhir evainam oṣadhībhiḥ samyañcaṃ dadhāti // (43) Par.?
devīr āpa eṣa vo garbha ity āha // (44) Par.?
yathāyajur evaitat // (45) Par.?
paśavo vai somaḥ // (46) Par.?
yad bhindūnām bhakṣayet paśumānt syād varuṇas tv enaṃ gṛhṇīyāt // (47) Par.?
yan na bhakṣayed apaśuḥ syān nainaṃ varuṇo gṛhṇīyāt // (48) Par.?
upaspṛśyam eva // (49) Par.?
paśumān bhavati // (50) Par.?
nainaṃ varuṇo gṛhṇāti // (51) Par.?
pratiyuto varuṇasya pāśa ity āha // (52) Par.?
varuṇapāśād eva nirmucyate // (53) Par.?
apratīkṣam āyanti // (54) Par.?
varuṇasyāntarhityai // (55) Par.?
edho 'sy edhiṣīmahīty āha // (56) Par.?
samidhaivāgniṃ namasyanta upāyanti // (57) Par.?
tejo 'si // (58) Par.?
tejo mayi dhehīty āha // (59) Par.?
teja evātman dhatte // (60) Par.?
Duration=0.13430786132812 secs.