Texts

naimiṣyā vai sattram āsata // (1) Par.?

ta utthāya saptaviṃśatiṃ kurupañcāleṣu vatsatarān avanvata // (2) Par.?

tān vako dālbhir abravīt // (3) Par.?

yūyam evaitān vibhajadhvam // (4) Par.?

imam ahaṃ dhṛtarāṣṭraṃ vaicitravīryaṃ gamiṣyāmi // (5) Par.?

sa mahyaṃ gṛhān kariṣyatīti // (6) Par.?

tam āgacchat // (7) Par.?

tan nāsūrkṣat // (8) Par.?

taṃ prākālayata // (9) Par.?

etā gā brahmabandha iti // (10) Par.?

abravīt // (11) Par.?

paśupatir gā hanti // (12) Par.?

tāḥ paraḥ pacamānaś careti // (13) Par.?

tāsāṃ devasūr me rājānnaṃ prāsuṣod iti // (14) Par.?

sakthāny utkartam apacata // (15) Par.?

tasmin pacamāne vyadasyat // (16) Par.?

so 'gnaye rudravate 'ṣṭākapālaṃ niravapat kṛṣṇānāṃ vrīhīṇām // (17) Par.?

tasya yat kiṃ ca dhṛtarāṣṭrasyāsīt tat sarvam avakīrṇaṃ vidrāṇam abhi vyaucchat // (18) Par.?

tā vipraśnikā avindan // (19) Par.?

brāhmaṇo vai tvāyam abhicarati // (20) Par.?

tasmin nāthasveti // (21) Par.?

tam upāśikṣat // (22) Par.?

tasmai bahv adadāt // (23) Par.?

so 'gnaye surabhimate 'ṣṭākapālaṃ niravapac chuklānāṃ vrīhīṇām // (24) Par.?

tato vai tad vyadasyat // (25) Par.?

agnaye rudravate 'ṣṭākapālaṃ nirvapet kṛṣṇānāṃ vrīhīṇām abhicaran // (26) Par.?

agnir vai rudraḥ // (27) Par.?

rudrāyaivainam apidadhāti // (28) Par.?

kṛṣṇānāṃ vrīhīṇāṃ bhavati // (29) Par.?

kṛṣṇam iva vai tamaḥ // (30) Par.?

tamo mṛtyuḥ // (31) Par.?

mṛtyunaivainaṃ grahayati // (32) Par.?

agnaye surabhimate 'ṣṭākapālaṃ nirvapet // (33) Par.?

yarhy ayaṃ devaḥ prajā abhimanyeta yadā kāmayeta vidasyed iti // (34) Par.?

eṣā vā agner bhiṣajyā tanūr yā surabhimatī // (35) Par.?

tām eva bhāgadheyenopadhāvati // (36) Par.?

tayainā bhiṣajyati // (37) Par.?

agnaye surabhimate 'ṣṭākapālaṃ nirvaped yam apramītaṃ pramītaṃ śṛṇuyuḥ // (38) Par.?

pūtir vā eṣa śrūyate yaḥ pramītaś śrūyate // (39) Par.?

yaivāgnes surabhimatī tanūs tām eva bhāgadheyenopadhāvati // (40) Par.?

tayainaṃ surabhiṃ karoti // (41) Par.?

agnaye surabhimate 'ṣṭākapālaṃ nirvaped yam ajaghnivāṃsam abhiśaṃseyuḥ // (42) Par.?

śamalagṛhīto vā eṣa yam ajaghnivāṃsam abhiśaṃsanti // (43) Par.?

yaivāgnes surabhimatī tanūs tām eva bhāgadheyenopadhāvati // (44) Par.?

tayainaṃ punāti // (45) Par.?

agnaye 'nnādāyāṣṭākapālaṃ nirvaped yaḥ kāmayeta // (46) Par.?

annādas syām iti // (47) Par.?

agnir vai devānām annādaḥ // (48) Par.?

tam eva bhāgadheyenopadhāvati // (49) Par.?

sa enam annādaṃ karoti // (50) Par.?

agnaye 'nnavate 'ṣṭākapālaṃ nirvaped yaḥ kāmayeta // (51) Par.?

annavān syām iti // (52) Par.?

agnir vai devānāṃ annavān // (53) Par.?

tam eva bhāgadheyenopadhāvati // (54) Par.?

sa enam annavantaṃ karoti // (55) Par.?

agnaye 'nnapataye 'ṣṭākapālaṃ nirvaped yaḥ kāmayeta // (56) Par.?

annapatis syām iti // (57) Par.?

agnir vai devānām annapatiḥ // (58) Par.?

tam eva bhāgadheyenopadhāvati // (59) Par.?

sa enam annapatiṃ karoti // (60) Par.?

saṃvatsaraṃ parinirvapet // (61) Par.?

saṃvatsaro vā annādyasya pradātā // (62) Par.?

tam eva bhāgadheyenopadhāvati // (63) Par.?

sa enam annādam annavantam annapatiṃ karoti // (64) Par.?

agnaye vasumate 'ṣṭākapālaṃ nirvapet sarvebhyaḥ kāmebhyo brāhmaṇaḥ // (65) Par.?

yad vai kiṃ ca vindate tad vasu // (66) Par.?

agnir devānāṃ vasumān // (67) Par.?

tam eva bhāgadheyenopadhāvati // (68) Par.?

so 'smai sarvān kāmān prayacchati // (69) Par.?