Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, ekādaśinī

Show parallels  Show headlines
Use dependency labeler
Chapter id: 15711
  • Click on a sentence to show its analysis
  • Keep the mouse pointer over a lemma to show its meanings.
atha vā upāṃśuḥ prāṇa eva // (1) Par.?
taṃ hūyamānam anuprāṇyāt prāṇaṃ me pāhi prāṇaṃ me jinva svāhā tvā subhava sūryāyeti // (2) Par.?
sa eva tasya vaṣaṭkāraḥ sa svāhākāraḥ // (3) Par.?
na ha vai tā āhutayo devān gacchanti yā avaṣaṭkṛtā vāsvāhākṛtā vā bhavanti // (4) Par.?
antaryāmo 'pāna eva // (5) Par.?
taṃ hūyamānam anvavānyād apānaṃ me pāhy apānaṃ me jinva svāhā tvā subhava sūryāyeti // (6) Par.?
sa eva tasya vaṣaṭkāraḥ sa svāhākāraḥ // (7) Par.?
na ha vai tā āhutayo devān gacchanti yā avaṣaṭkṛtā vāsvāhākṛtā vā bhavanti // (8) Par.?
tau vā etau prāṇāpānāv eva yad upāṃśvantaryāmau // (9) Par.?
tayor vā udite 'nyam anudite 'nyaṃ juhvati // (10) Par.?
imāv eva tat prāṇāpānau vitārayati // (11) Par.?
tasmāddhīmau prāṇāpānau saha santau nāneva // (12) Par.?
yad v evodite 'nyam anudite 'nyaṃ juhvati ahorātrābhyām eva tad asurān antarayanti // (13) Par.?
ubhayato hyamum ādityam ahorātre pāpmānaṃ vā yajamāna iti ha smāha // (14) Par.?
atha yasya etā ubhā udite juhvaty ubhau vānudite udakayājī sa na somayājī // (15) Par.?
yasyaivaitau yathāyathaṃ hūyete sa somayājī // (16) Par.?
iti nvā upāṃśvantaryāmayoḥ // (17) Par.?
Duration=0.03563117980957 secs.