Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, ekādaśinī

Show parallels  Show headlines
Use dependency labeler
Chapter id: 15720
  • Click on a sentence to show its analysis
  • Keep the mouse pointer over a lemma to show its meanings.
sa stute pavamāna etaṃ japaṃ japet // (1) Par.?
upahūtā devā asya somasya pavamānasya vicakṣaṇasya bhakṣa upa māṃ devā hvayantām asya somasya pavamānasya vicakṣaṇasya bhakṣe manasā tvā bhakṣayāmi vācā tvā bhakṣayāmi prāṇena tvā bhakṣayāmi cakṣuṣā tvā bhakṣayāmi śrotreṇa tvā bhakṣayāmīti // (2) Par.?
sa eṣa devaiḥ samupahavaḥ // (3) Par.?
tathā hāsyāsau somo rājā vicakṣaṇaś candramā bhakṣo bhakṣito bhavati yam amuṃ devā bhakṣaṃ bhakṣayanti // (4) Par.?
Lindner xii. 6
atha paśuḥ // (5) Par.?
soma evaiṣa pratyakṣaṃ yat paśuḥ // (6) Par.?
udakapeyam iva hi syād yad eṣa nālabhyeta // (7) Par.?
savanāny etena tīvrīkaroti // (8) Par.?
tad yad vapayā caranti tena prātaḥsavanaṃ tīvrīkṛtam // (9) Par.?
yacchrapayanti yat paśupuroḍāśena caranti tena mādhyaṃdinaṃ savanaṃ tīvrīkṛtam // (10) Par.?
atha yad enena tṛtīyasavane pracaranti tena tṛtīyasavanaṃ tīvrīkṛtam // (11) Par.?
sa eṣa savanānām eva tīvrīkāraḥ // (12) Par.?
yāś ca somapā devatāḥ yāś ca paśubhājanās trayastriṃśad vai somapā devatāḥ // (13) Par.?
yāḥ somāhutīr anvāyattā aṣṭau vasava ekādaśa rudrā dvādaśādityā indro dvātriṃśaḥ // (14) Par.?
prajāpatis trayastriṃśaḥ // (15) Par.?
trayastriṃśat paśubhājanāḥ // (16) Par.?
tā ubhayyaḥ prītā bhavanti yad eṣa ālabhyate // (17) Par.?
Duration=0.088815927505493 secs.