Texts

atha ha brahmadattaś caikitāneyaḥ kuruṃ jagāmābhipratāriṇaṃ kākṣasenim / (1.1) Par.?

sa hāsmai madhuparkaṃ yayāca // (1.2) Par.?

atha hāsya vai prapadya purohito 'nte niṣasāda śaunakaḥ / (2.1) Par.?

taṃ hānāmantrya madhuparkam papau // (2.2) Par.?

taṃ hovāca kiṃ vidvān no dālbhyānāmantrya madhuparkam pibasīti / (3.1) Par.?

sāmavairyam prapadyeti hovāca // (3.2) Par.?

taṃ ha tatraiva papraccha yad vāyau tad vetthā3 iti / (4.1) Par.?

hiṅkāro vā asya sa iti // (4.2) Par.?

yad agnau tad vetthā3 iti / (5.1) Par.?

prastāvo vā asya sa iti // (5.2) Par.?

yad indre tad vetthā3 iti / (6.1) Par.?

ādir vā asya sa iti // (6.2) Par.?

yat somabṛhaspatyos tad vetthā3 iti / (7.1) Par.?

udgītho vā asya sa iti // (7.2) Par.?

yad aśvinos tad vetthā3 iti / (8.1) Par.?

pratihāro vā asya sa iti // (8.2) Par.?

yad viśveṣu deveṣu tad vetthā3 iti / (9.1) Par.?

upadravo vā asya sa iti // (9.2) Par.?

yat prajāpatau tad vetthā3 iti / (10.1) Par.?

nidhanaṃ vā asya tad iti hovāca / (10.2) Par.?

ārṣeyaṃ vā asya tad bandhutā vā asya seti // (10.3) Par.?

sa hovāca namas te 'stu bhagavo vidvān apā madhuparkam iti // (11.1) Par.?

atha hetaraḥ papraccha kiṃdevatyaṃ sāmavairyam prapadyeti / (12.1) Par.?

yaddevatyāsu stuvata iti hovāca taddevatyam iti // (12.2) Par.?

tad etat sādhv eva pratyuktam / (13.1) Par.?

vyāptir vā asyaiṣeti hovāca brūhy eveti / (13.2) Par.?

medaṃ te namo 'karmeti hovāca / (13.3) Par.?

maiva no 'tiprākṣīr iti // (13.4) Par.?

sa hovācāprakṣyaṃ vāva tvā devatām aprakṣyaṃ vāva tvā devatāyai devatāḥ / (14.1) Par.?

vāgdevatyaṃ sāma vāco mano devatā manasaḥ paśavaḥ paśūnām oṣadhaya oṣadhīnām āpaḥ / (14.2) Par.?

tad etad adbhyo jātaṃ sāmāpsu pratiṣṭhitam iti // (14.3) Par.?