Texts

ime vai sahāstām // (1) Par.?

te vāyur vyavāt // (2) Par.?

te garbham adadhātām // (3) Par.?

tato 'jā vaśājāyata // (4) Par.?

tām agnir agrasata // (5) Par.?

tāṃ prajāpatir etena puroḍāśena nirakrīṇāt // (6) Par.?

yad āgneyaḥ puroḍāśo bhavati // (7) Par.?

niṣkrītyai // (8) Par.?

yad vāyur vyavāt tasmād vāyavyā // (9) Par.?

yad dyāvāpṛthivī garbham adadhātāṃ tasmād dyāvāpṛthivyā // (10) Par.?

ime vai sahāstām // (11) Par.?

te yathā veṇū saṃdhāvyete evaṃ samadhāvyetām // (12) Par.?

sā yā vāg āsīt sājā vaśābhavat // (13) Par.?

tasmāt sārasvatī bhavati // (14) Par.?

asau vā āditya ime abhyakrandat // (15) Par.?

te garbham adadhātām // (16) Par.?

tato 'jā vaśājāyata // (17) Par.?

tasmāt saurī bhavati // (18) Par.?

vāyavyām ālabheta bubhūṣan // (19) Par.?

kṣiprā devatājiraṃ bhūtim upaiti // (20) Par.?

dyāvāpṛthivyām ālabheta kṛṣim avasyan // (21) Par.?

pratiṣṭhā vā etasmā eṣṭavyā yaḥ kṛṣim avasyati // (22) Par.?

yad dyāvāpṛthivyā // (23) Par.?

dyāvāpṛthivyor eva pratitiṣṭhati // (24) Par.?

varṣuko 'smai parjanyo bhavati // (25) Par.?

tām etāṃ kaṇvās sauśravasā viduḥ // (26) Par.?

sārasvatīm ālabheta yasmād vāg apakrāmet // (27) Par.?

vāg vai sarasvatī // (28) Par.?

sarasvaty etasmād apakrāmati yasmād vāg apakrāmati // (29) Par.?

yat sārasvatī // (30) Par.?

vācam evāvarunddhe // (31) Par.?

tām etāṃ garbhāḥ prāvareyā viduḥ // (32) Par.?

saurīm ālabheta rukkāmaḥ // (33) Par.?

asau vā ādityo rucaḥ pradātā // (34) Par.?

so 'smai rucaṃ prayacchati // (35) Par.?

tām etāṃ yaskā gairikṣitā viduḥ // (36) Par.?

āgnendrīm ālabheta purodhākāmaḥ // (37) Par.?

āgneyo vai brāhmaṇa aindro rājanyaḥ // (38) Par.?

brahma caiva kṣatraṃ ca sayujau karoti // (39) Par.?

tām etāṃ kāpeyā viduḥ // (40) Par.?

agnīṣomīyām ālabhetānnakāmaḥ // (41) Par.?

agnir vai devānām annādaḥ // (42) Par.?

somo 'nnam // (43) Par.?

agninaivānnam atti // (44) Par.?

somenāvarunddhe // (45) Par.?

tām etām āruṇayo viduḥ // (46) Par.?

ā vāyo bhūṣa śucipā upa na iti // (47) Par.?

ya eva prājanayat tasmād enām adhyavarunddhe // (48) Par.?

ākūtyai tveti // (49) Par.?

ākūtyai hy eṣālabhyate // (50) Par.?

kāmāya tveti // (51) Par.?

kāmāya hy eṣālabhyate // (52) Par.?

samṛdhe tveti // (53) Par.?

samṛdhe hy eṣālabhyate // (54) Par.?

kikkiṭā te manaḥ prajāpataye svāheti // (55) Par.?

prajāpatim evāsyā mano gamayati // (56) Par.?

kikkiṭā te cakṣus sūryāya svāheti // (57) Par.?

sūryam evāsyāś cakṣur gamayati // (58) Par.?

kikkiṭā te śrotraṃ dyāvāpṛthivībhyāṃ svāheti // (59) Par.?

dyāvāpṛthivī evāsyāś śrotraṃ gamayati // (60) Par.?

kikkiṭā te vācaṃ sarasvatyai svāheti // (61) Par.?

sarasvatīm evāsyā vācaṃ gamayati // (62) Par.?

kikkiṭā te prāṇaṃ vātāya svāheti // (63) Par.?

vātam evāsyāḥ prāṇaṃ gamayati // (64) Par.?

kikkiṭā ta iti // (65) Par.?

juhoti // (66) Par.?

tasmāt kikkiṭākāraṃ grāmyāḥ paśava upatiṣṭhante // (67) Par.?

kikkiṭākārād āraṇyāḥ pratrasanti // (68) Par.?

pañcaitāni juhoti // (69) Par.?

pāṅktāḥ paśavaḥ // (70) Par.?

yāvān eva paśus taṃ svargaṃ lokaṃ gamayati // (71) Par.?

vaśāsi vaśinīti // (72) Par.?

āśiṣam evāśāste // (73) Par.?

sakṛd yat te manasā garbham āśayad iti // (74) Par.?

praiva janayati // (75) Par.?

ajāsi rayiṣṭhā // (76) Par.?

pṛthivyāṃ sīdeti // (77) Par.?

imān evaināṃl lokān gamayati // (78) Par.?

ūrdhvāntarikṣam upatiṣṭhasva divi te bṛhad bhās svāheti // (79) Par.?

svargam evaināṃl lokaṃ gamayati // (80) Par.?

tantuṃ tataṃ rajaso bhānum anvihīti // (81) Par.?

āśiṣam evāśāste // (82) Par.?

jyotiṣmataḥ patho rakṣa dhiyā kṛtān iti // (83) Par.?

rakṣasām apahatyai // (84) Par.?

anulbaṇaṃ vayasi joguvām apa iti // (85) Par.?

anulbaṇam evaināṃ tanute // (86) Par.?

manur bhava janayā daivyaṃ janam iti // (87) Par.?

praiva janayati // (88) Par.?

tapaso havir asi prajāpater varṇaḥ // (89) Par.?

gātrāṇāṃ te gātrabhāg bhūyāsam iti // (90) Par.?

āśiṣam evāśāste // (91) Par.?

yad apsu pravapati // (92) Par.?

vyṛddhis sā // (93) Par.?

yad agnau juhoti // (94) Par.?

svagākṛtis sā // (95) Par.?

yan megha ālabhate // (96) Par.?

vyṛddhā tena // (97) Par.?

aprajātaiva tarhi // (98) Par.?

vīdhrasamṛddhā vā eṣā // (99) Par.?

vīdhra evaitayā yajeta // (100) Par.?

trayāṇām vāvaiṣāvaruddhā saṃvatsarasado gṛhamedhinas sahasrayājinaḥ // (101) Par.?

ta evaitayā yajeran // (102) Par.?

sūryo divo diviṣadbhyo dhātā kṣatrasya vāyuḥ prajānāṃ bṛhaspatis tvā prajāpataye jyotiṣmate jyotiṣmatīṃ juhotu svāheti // (103) Par.?

brahma vai bṛhaspatiḥ // (104) Par.?

brahmaṇaivaināṃ prajāpataye jyotiṣmate jyotiṣmatīṃ juhoti // (105) Par.?