Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 12376
- Click on a sentence to show its analysis
- Keep the mouse pointer over a lemma to show its meanings.
tena hi sampadya mahimānaṃ gacchati // (1) Par.?
yad veva vācānvāha vācā yajati // (2) Par.?
teno haivāsya svo mahimeṣṭo bhavati // (3) Par.?
ā ca vaha jātavedaḥ suyujā ca yajetyāha // (4) Par.?
āvaha ca jātavedo devānt sayujā ca devatā yajety evainaṃ tad āha // (5) Par.?
atha yat parastāt sāmidhenīnāṃ japati // (6) Par.?
vajro vai sāmidhenyaḥ // (7) Par.?
tam evaitat śamayati purastāccopariṣṭācca // (8) Par.?
atha yat srugādāpanena srucāvādāpayati // (9) Par.?
devaratham eva tad yunakti devebhyo haviḥ pradāsyan // (10) Par.?
sa etena devarathena svasti svargaṃ lokaṃ samaśnute // (11) Par.?
prayājān yajati // (12) Par.?
ṛtavo vai prayājāḥ // (13) Par.?
ṛtūn eva tat prīṇāti // (14) Par.?
te vai pañca bhavanti // (15) Par.?
tair yat kiṃca pañcavidham adhidaivatam adhyātmaṃ tat sarvam āpnoti // (16) Par.?
samidho yajati vasantam eva // (17) Par.?
vasante vā idaṃ sarvaṃ samidhyate // (18) Par.?
tanūnapātaṃ yajati grīṣmam eva // (19) Par.?
grīṣme hi tanvaṃ tapati // (20) Par.?
iḍo yajati varṣā eva // (21) Par.?
varṣābhir hi īḍitam annādyam uttiṣṭhati // (22) Par.?
barhir yajati śaradam eva // (23) Par.?
śaradi hi barhiṣṭhā oṣadhayo bhavanti // (24) Par.?
svāhākṛtim antaṃ yajati hemantam eva // (25) Par.?
hemante vā idaṃ sarvaṃ svāhākṛtam // (26) Par.?
tad āhur yat pañca prayājāḥ ṣaḍ ṛtavaḥ kvaitaṃ ṣaṣṭham ṛtuṃ yajatīti // (27) Par.?
yad eva caturthe prayāje samānayati tad enam itareṣvanuvibhajati // (28) Par.?
Duration=0.064456939697266 secs.