Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 12391
  • Click on a sentence to show its analysis
  • Keep the mouse pointer over a lemma to show its meanings.
somaṃ prathamaṃ yajati // (1) Par.?
retas tat siñcati // (2) Par.?
tvaṣṭāraṃ dvitīyam // (3) Par.?
tvaṣṭā vai retaḥ siktaṃ vikaroti // (4) Par.?
tataḥ patnyaḥ // (5) Par.?
patnīsaṃyājā hyete // (6) Par.?
atha yad agniṃ gṛhapatim antato yajati // (7) Par.?
etat sviṣṭakṛto vai patnyaḥ // (8) Par.?
tasmād enam antato yajati // (9) Par.?
atha yā apa upaspṛśati tasyoktaṃ brāhmaṇam // (10) Par.?
atha yad ṛcaṃ japati svastyayanam eva tat kurute // (11) Par.?
atha yad ilām upahvayate yan mārjayate yat śamyorvākam āha tasyoktaṃ brāhmaṇam // (12) Par.?
atha yad vede patnīṃ vācayati // (13) Par.?
vṛṣā vai vedaḥ // (14) Par.?
yoṣā patnī // (15) Par.?
mithunam eva tat patnīṣu dadhāti // (16) Par.?
tasmāt patnī vedatṛṇāny antarorū kurute // (17) Par.?
atha yad vedaṃ stṛṇāti // (18) Par.?
tena hāsya darśapūrṇamāsau saṃtatau bhavataḥ // (19) Par.?
atho etenaivāsyāgnihotraṃ stīrṇabarhir bhavati // (20) Par.?
atha yad vedātiśeṣam upatiṣṭhate // (21) Par.?
āśiṣam eva tad vadate // (22) Par.?
atha yad āhavanīyam upatiṣṭhate // (23) Par.?
prītvaiva tad deveṣvantato 'rthaṃ vadate // (24) Par.?
atha yad apa upaspṛśati // (25) Par.?
śāntir vai bheṣajam āpaḥ // (26) Par.?
śāntir evaiṣā bheṣajam antato yajñe kriyate antato yajñe kriyate // (27) Par.?
Duration=0.066034078598022 secs.