Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): brahman priest, haviryajña
Show parallels Show headlines
Use dependency labeler
Chapter id: 12487
- Click on a sentence to show its analysis
- Keep the mouse pointer over a lemma to show its meanings.
indro vai devānām ojiṣṭho baliṣṭhas tasmā enat pariharateti // (1) Par.?
tat tasmai parijahruḥ // (2) Par.?
tat sa brahmaṇā śamayāṃcakāra // (3) Par.?
tasmād āha indro brahmeti // (4) Par.?
tat pratīkṣate mitrasya tvā cakṣuṣā pratīkṣa iti // (5) Par.?
mitrasya evainat taccakṣuṣā śamayati // (6) Par.?
athainat pratigṛhṇāti devasya tvā savituḥ prasave aśvinor bāhubhyāṃ pūṣṇo hastābhyāṃ pratigṛhṇāmīti // (7) Par.?
etābhir evainat tad devatābhiḥ śamayati // (8) Par.?
tad vyūhya tṛṇāni prāgdaṇḍaṃ sthaṇḍile sādayati pṛthivyās tvā nābhau sādayāmy adityā upastha iti // (9) Par.?
pṛthivī vā annānāṃ śamayitrī // (10) Par.?
śamayaty evainat tat // (11) Par.?
tata ādāya prāśnāty agneṣ ṭvāsyena prāśnāmīti // (12) Par.?
agnir vā annānāṃ śamayitā // (13) Par.?
śamayaty evainat tat // (14) Par.?
athāpo 'nvācāmati śāntir asīti // (15) Par.?
śāntir vai bheṣajam āpaḥ // (16) Par.?
śāntir evaiṣā bheṣajaṃ yajñe kriyate // (17) Par.?
atha prāṇānt saṃmṛśate // (18) Par.?
tad yad evātra prāṇānāṃ krūrīkṛtaṃ yad viliṣṭaṃ tad evaitad āpyāyayati tad bhiṣajyati // (19) Par.?
indrasya tvā jaṭhare sādayāmīti nābhim antato 'bhimṛśate // (20) Par.?
indro hyevainacchamayāṃcakāra // (21) Par.?
atha yat sāvitreṇa japena prasauti // (22) Par.?
savitā vai prasavitā karmaṇa eva prasavāya // (23) Par.?
prajāpatir ha yajñaṃ sasṛje // (24) Par.?
so 'gnyādheyenaiva reto 'sṛjata // (25) Par.?
devān manuṣyān asurān ity agnihotreṇa // (26) Par.?
darśapūrṇamāsābhyām indram asṛjata // (27) Par.?
tebhya etad annapānaṃ sasṛje // (28) Par.?
etān haviryajñānt saumyam adhvaram iti // (29) Par.?
atho yaṃ yaṃ kāmam aicchaṃstaṃ tam etair ayanair āpuḥ // (30) Par.?
annādyam āgrayaṇena // (31) Par.?
tad āhuḥ kasmād ayanānīti // (32) Par.?
gamanāny eva bhavanti kāmasya kāmasya svargasya ca lokasya // (33) Par.?
Duration=0.12281012535095 secs.