Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 445

Click on a sentence to show its analysis
Keep the mouse pointer over a lemma to show its meanings.

śrīśiva uvāca / (1.1) Par.?

śṛṇvanti pratyahaṃ ye vai viṣṇor nāmasahasrakam / (1.2) Par.?

kīrtayanty athavā vipra saṃsmaranty ādareṇa vā // (1.3) Par.?

vā śataṃ vā viṃśatiṃ vāpi daśa vā pañca vā dvija / (2.1) Par.?

ekaṃ vā kāmato bhaktyā viṣṇupādāmbujāśrayāḥ // (2.2) Par.?

teṣāṃ phalasya puṇyānāṃ nāntaṃ paśyāmi nārada / (3.1) Par.?

yatas tair bhagavān eva parānando vaśīkṛtaḥ // (3.2) Par.?

yato nāmaiva paramaṃ tīrthaṃ kṣetraṃ ca puṇyadam / (4.1) Par.?

nāmaiva paramaṃ daivaṃ nāmaiva paramaṃ tapaḥ // (4.2) Par.?

nāmaiva paramaṃ dānaṃ nāmaiva paramā kriyā / (5.1) Par.?

nāmaiva paramo dharmo nāmaivārthaḥ prakīrtitaḥ // (5.2) Par.?

nāmaiva kāmo bhaktānāṃ mokṣo 'pi nāma kevalam / (6.1) Par.?

eṣāṃ ca sādhanaṃ nāma kāmināṃ dvijasattama // (6.2) Par.?

nāmaiva paramā bhaktir nāmaiva paramā gatiḥ / (7.1) Par.?

nāmaiva paramaṃ jāpyaṃ nāmaiva prārthanaṃ param // (7.2) Par.?

niṣkāmānāṃ dhanaṃ nāma muktibhuktisukhārthavat / (8.1) Par.?

nāma syāt paramaṃ saukhyaṃ nāmaiva vairāgyakāraṇam // (8.2) Par.?

sattvaśuddhikaraṃ nāma nāma jñānapradaṃ smṛtam / (9.1) Par.?

mumukṣūṇāṃ muktipadaṃ kāmināṃ sarvakāmadam // (9.2) Par.?

vaiṣṇavānāṃ phalaṃ nāma tasmān nāma sadā smaret / (10.1) Par.?

saṃketitāt pārihāsyāddhelanājvaratāpataḥ // (10.2) Par.?

kīrtitaṃ bhagavannāma sarvapāpaharaṃ smṛtam / (11.1) Par.?

yāvatī pāpanirhāre śaktir nāmni hareḥ sthitā // (11.2) Par.?

tāvat pāpijanaḥ pāpaṃ kartuṃ śaknoti naiva hi / (12.1) Par.?

jñānājñānāddharer nāmakīrtanāt puruṣasya hi // (12.2) Par.?

pāparāśiṃ dahaty āśu yathā tūlaṃ vibhāvasuḥ / (13.1) Par.?

saṃkīrtitaṃ harer nāma śraddhayā puruṣeṇa vai // (13.2) Par.?

tasya satyaphalaṃ dhatte kramaśo dvijasattamaḥ / (14.1) Par.?

pāpanāśaṃ mahāpuṇyaṃ vairāgyaṃ ca caturvidham // (14.2) Par.?

gurusevām ātmabodhaṃ bhrāntināśam anantaram / (15.1) Par.?

sampūrṇānandabodhaṃ ca tatas tasmin labhet sthiram // (15.2) Par.?

śrīnārada uvāca / (16.1) Par.?

caturvidhaṃ tvayā proktaṃ vairāgyaṃ surasattama / (16.2) Par.?

etad varṇaya lokasya hitāya jñānakāraṇam // (16.3) Par.?

śrīśiva uvāca / (17.1) Par.?

asaṅgarahito bhogaḥ kriyate puruṣeṇa yat / (17.2) Par.?

viṣayāṇāṃ dvijaśreṣṭha tad amānaḥ prakīrtitaḥ // (17.3) Par.?

bhogye svāduvihīne 'pi kriyate vṛttir ātmanaḥ / (18.1) Par.?

dvitīyo vyatirekākhyas tad vijānīhi sattama // (18.2) Par.?

manasaḥ prītirāhitye indriyair evaṃ bhujyate / (19.1) Par.?

bhogas tṛtīyaḥ puruṣair indriyākhyaḥ prakīrtitaḥ // (19.2) Par.?

manasaś cendriyāṇāṃ ca rāgarāhityam uttamam / (20.1) Par.?

viṣayāharaṇaṃ vipra caturthaḥ parikīrtitaḥ // (20.2) Par.?

eṣa nāma paraś cāśu jāyate dvijasattama / (21.1) Par.?

jñānaṃ ca paramaṃ śuddhaṃ brahmānandapradāyakam // (21.2) Par.?

tīrthair dānais tapobhiś ca homair jātyair vratamakhaiḥ / (22.1) Par.?

yogaiś ca vividhair vipra yad viṣṇoḥ paramaṃ padam // (22.2) Par.?

na yānti mānavās tad vai nāmakīrtanamātrataḥ / (23.1) Par.?

saṃyānty eva na saṃdehaṃ kuru vipra haripriyam // (23.2) Par.?

mahāpātakayukto 'pi kīrtayitvā jagadgurum / (24.1) Par.?

taraty eva na saṃdehaḥ satyam eva vadāmy aham // (24.2) Par.?

kalikālamalaṃ cāpi sarvapātakam eva ca / (25.1) Par.?

hitvā nāmaparo vipra viṣṇulokaṃ sa gacchati // (25.2) Par.?

tasmān nāmaikamātreṇa taraty eva bhavārṇavam / (26.1) Par.?

pumān atra na saṃdeho vinā nāmāparādhataḥ // (26.2) Par.?

tadyatnenaiva puruṣaḥ śreyaskāmo dvijottamaḥ / (27.1) Par.?

viṣṇor na kuryān nāmnas tu daśapāpān kathaṃcana // (27.2) Par.?

śrīnārada uvāca / (28.1) Par.?

śruto bhagavato vaktrād dvāviṃśadaparādhakam / (28.2) Par.?

viṣṇor nāmnā daśa tathā etad varṇaya no prabho // (28.3) Par.?

śrīśiva uvāca / (29.1) Par.?

śrūyatām aparādhān vai viṣṇor vakṣyāmi nārada / (29.2) Par.?

yān kṛtvā narakaṃ yānti mānavāḥ satataṃ mune // (29.3) Par.?

asnātvā sparśanaṃ viṣṇor vinā śaṅkhena snāpanam / (30.1) Par.?

aśauce sparśanaṃ sākṣād bhuktā pādodakagrahaḥ vā // (30.2) Par.?

vinā śabdena pūjā ca vinā naivedyapūjanam / (31.1) Par.?

uccāsanasthapūjā ca śīte vyajanavātakam // (31.2) Par.?

udakyādarśanaṃ caiva ghaṇṭāyā bhūniveśanam / (32.1) Par.?

pauṣe ca candanasparśo grīṣme cāsparśanaṃ tathā // (32.2) Par.?

puṣpaṃ toyena saṃsparśaṃ vinā homaṃ mahotsavaḥ / (33.1) Par.?

pūjāṃ kṛtvā pṛṣṭhadarśam agre ca bhramaṇaṃ tathā // (33.2) Par.?

bhojanaṃ bhagavadvāre abhuktvā ca viṣādatā / (34.1) Par.?

pādukārohaṇaṃ viṣṇor gehe kambalaveśanam // (34.2) Par.?

vāmapādapraveśaś ca kūrdanaṃ pākabhojanam / (35.1) Par.?

śleṣmaprakṣepaṇaṃ caiva tattṛṇair dantadhāvanam // (35.2) Par.?

devāgre vāhanāroho naivedye dravyabuddhitā / (36.1) Par.?

śālagrāme sthirāyāṃ ca śileti pratimeti ca // (36.2) Par.?

harikīrter asaṃślāghā vaiṣṇave narasāmyatā / (37.1) Par.?

viṣṇau ca devatāsāmyam anyoddeśanivedanam // (37.2) Par.?

ete 'parādhā dvātriṃśad viṣṇor nāmnām atha śṛṇu / (38.1) Par.?

satāṃ nāmnā śive viṣṇau bhidācāryāvamānatā // (38.2) Par.?

vedanindā nāmni vādaḥ pāpecchā nāmasāhasāt / (39.1) Par.?

nāmno dharmaiḥ sāmyabuddhir dānaṃ śraddhāvivarjitaiḥ // (39.2) Par.?

śrutvāpi śraddhārāhityaṃ kīrtane cāpy ahaṃmatiḥ / (40.1) Par.?

ete nāmnāṃ dvijaśreṣṭha hy aparādhā mayeritāḥ // (40.2) Par.?

varjanīyā nṛbhir yatnair yato narakakāraṇāḥ / (41.1) Par.?

śrīnārada uvāca // (41.2) Par.?

viṣayāsaktacittānāṃ prākṛtānāṃ nṛṇāṃ prabho / (42.1) Par.?

aparādhā harer āśu varjyā naiva bhavanti hi // (42.2) Par.?

ato yena prakāreṇa taranti prākṛtā api / (43.1) Par.?

aparādhān kṛtān deva tan mamākhyātum arhasi // (43.2) Par.?

śrīśiva uvāca / (44.1) Par.?

pradakṣiṇaśataṃ kṛtvā daṇḍavat praṇamed bhuvi / (44.2) Par.?

aparādhaśataṃ tasya kṣamate svasya keśavaḥ // (44.3) Par.?

pradakṣiṇaṃ sakṛt kṛtvā yo na jānuśiraṃ namet / (45.1) Par.?

niṣphalaṃ tad bhavet tasya tasmāt pratyekaśo namet // (45.2) Par.?

jagannātheti te nāma vyāhariṣyanti te yadi / (46.1) Par.?

aparādhaśataṃ teṣāṃ kṣamate nātra saṃśayaḥ // (46.2) Par.?

nāmno 'parādhās tarati nāmna eva sadā japāt / (47.1) Par.?

vinā bhaktāparādhena tatprasādavivarjitaḥ // (47.2) Par.?

sarvāparādhāṃs tarati viṣṇupādāmbujāśrayaḥ / (48.1) Par.?

viṣṇor apy aparādhān vai nāmasaṃkīrtanāt taret // (48.2) Par.?

viṣṇubhaktāparādhānāṃ naivāsty anyā pratikriyā / (49.1) Par.?

śrīnārada uvāca / (49.2) Par.?

bhaktāparādhān me brūhi yathā teṣāṃ pratikriyā / (49.3) Par.?

anugrahāya lokānāṃ bhagavan mama cāpi hi // (49.4) Par.?

śrīśiva uvāca / (50.1) Par.?

viṣṇubhaktasya sarvasvaharaṇaṃ dvijasattama / (50.2) Par.?

bhartsanaṃ cottame bhakte svapne cāpi prahāraṇam // (50.3) Par.?

ete 'parādhā bhaktānāṃ śṛṇv eṣāṃ pratikriyā / (51.1) Par.?

taddhanaṃ dviguṇaṃ dattvā kṛtvā pādābhivandanam // (51.2) Par.?

kathayen me kṣamasveti taddoṣaṃ dhanakarṣaṇam / (52.1) Par.?

yāvat tadbhartsanaṃ kṛtvā tāvan māsān samāhitaḥ // (52.2) Par.?

nirmatsaraḥ paricaret tatprasādena śudhyati / (53.1) Par.?

yāvajjīvaṃ prahāre tu paricaryed atandritaḥ // (53.2) Par.?

tatprasādena tatpāpān niṣkṛtir nānyathā bhavet / (54.1) Par.?

akṛtvā niṣkṛtīn etān narakān nāsti niṣkṛtiḥ // (54.2) Par.?

ajñānataḥ kṛte vipra tatprasādena naśyati / (55.1) Par.?

jñānāt tu dviguṇaṃ kuryād eṣa dharmaḥ sanātanaḥ // (55.2) Par.?

putre śiṣye ca jāyāyāṃ śāsane nāsti dūṣaṇam / (56.1) Par.?

anyayā tu kṛte doṣo bhavaty eva na saṃśayaḥ // (56.2) Par.?

keśākarṣe padāghāte mukhe ca carpaṭe kṛte / (57.1) Par.?

na niṣkṛtiṃ prapaśyāmi tasmāt tān na samācaret // (57.2) Par.?

Duration=0.30962705612183 secs.