Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14749
  • Click on a sentence to show its analysis
  • Keep the mouse pointer over a lemma to show its meanings.
aindrāgnam ekādaśakapālaṃ nirvaped bhrātṛvyavān // (1) Par.?
ojo vai vīryam indrāgnī // (2) Par.?
ojasaivainaṃ vīryeṇābhibhavati // (3) Par.?
aindrāgnam ekādaśakapālaṃ nirvapet sajātakāmaḥ // (4) Par.?
ojo vai vīryam indrāgnī // (5) Par.?
ojasaivainān vīryeṇādhastād upāsyate // (6) Par.?
na vā eta etaṃ prayāntam akāmā anuprayānti // (7) Par.?
ojo vīryam indrāgnī // (8) Par.?
yad aindrāgnaḥ // (9) Par.?
oja evaiṣāṃ vīryaṃ saṃgṛhya prayāti taṃ prayāntam akāmā anuprayānti // (10) Par.?
aindrāgnam ekādaśakapālaṃ nirvapet prajākāmaḥ // (11) Par.?
prajāpater vai prajās sisṛkṣamāṇasya tasyendrāgnī prajā apāgūhatām // (12) Par.?
so 'vet // (13) Par.?
indrāgnī vai me prajā apāghukṣatām iti // (14) Par.?
sa etam aindrāgnam apaśyad ekādaśakapālam // (15) Par.?
tato vai tasmai tau prajāḥ punar adattām // (16) Par.?
indrāgnī etasya prajām apagūhato yo 'laṃ prajāyai san prajāṃ na vindate // (17) Par.?
tā eva bhāgadheyenopadhāvati // (18) Par.?
tā asmai prītau prajāṃ punar dattaḥ // (19) Par.?
punardātṛmatī yājyānuvākye bhavataḥ // (20) Par.?
samṛddhyai // (21) Par.?
aindrāgnam ekādaśakapālaṃ nirvapet saṃgrāmam abhiprayān // (22) Par.?
ojo vai vīryam indrāgnī // (23) Par.?
ojasaivainaṃ vīryeṇābhiprayāti // (24) Par.?
aindrāgnam ekādaśakapālaṃ nirvapet saṃgrāmam āgatya // (25) Par.?
ojo vai vīryam indrāgnī // (26) Par.?
ojasaivainaṃ vīryeṇa jayati // (27) Par.?
aindrāgnam ekādaśakapālaṃ nirvapet saṃgrāmaṃ jitvā // (28) Par.?
ojasā vā eṣa vīryeṇa vyṛdhyate yas saṃgrāmaṃ jayati // (29) Par.?
sarveṇa hīndriyeṇa sarveṇa vīryeṇa jayati // (30) Par.?
ojo vīryam indrāgnī // (31) Par.?
yad aindrāgnaḥ // (32) Par.?
indrāgnī evainam ojasā vīryeṇa samardhayataḥ // (33) Par.?
aindrāgnam ekādaśakapālaṃ nirvapet pauṣṇaṃ caruṃ saniṃ prayan // (34) Par.?
ojo vai vīryam indrāgnī // (35) Par.?
ojasaiva vīryeṇa praiti // (36) Par.?
pūṣā vīryasyānupradātā // (37) Par.?
yat pauṣṇaḥ // (38) Par.?
pūṣaivāsmai vīryam anuprayacchati // (39) Par.?
aindrāgnam ekādaśakapālaṃ nirvapet pauṣṇaṃ caruṃ kṣetrasya pataye caruṃ yaḥ kāmayeta // (40) Par.?
asyāṃ me janatāyām ṛdhyeteti // (41) Par.?
ojo vai vīryam indrāgnī // (42) Par.?
yad aindrāgnaḥ // (43) Par.?
indrāgnī evāsmā ojasā vīryeṇa lokaṃ vindataḥ // (44) Par.?
pūṣā vīryasyānupradātā // (45) Par.?
yat pauṣṇaḥ // (46) Par.?
pūṣaivāsmai vīryam anuprayacchati // (47) Par.?
iyaṃ kṣetrasya patnī // (48) Par.?
yat kṣetrapatyaḥ // (49) Par.?
asyām eva pratitiṣṭhati // (50) Par.?
Duration=0.089085102081299 secs.