Texts

agnaye pathikṛte 'ṣṭākapālaṃ nirvaped yasya paurṇamāsī vāmāvasyā vātipadyeta // (1) Par.?

bahiṣpathaṃ vā eṣa eti yasya paurṇamāsī vāmāvasyā vātipadyate // (2) Par.?

agnir devānāṃ pathikṛt // (3) Par.?

tam evānvārabhate // (4) Par.?

sa enaṃ panthām apinayati // (5) Par.?

vi vā etad yajñaṃ chinatti yad yajñe pratata etām antareṣṭiṃ nirvapati // (6) Par.?

ya evāsā āgneyo 'ṣṭākapālaḥ pūrṇamāse yo 'māvasyāyāṃ tam agnaye pathikṛte kuryāt // (7) Par.?

tenaiva punaḥ panthām avaiti // (8) Par.?

na yajñaṃ vicchinatti // (9) Par.?

agnaye vājasṛte 'ṣṭākapālaṃ nirvapet saṃgrāme // (10) Par.?

agnir vai devānāṃ vājasṛt // (11) Par.?

vājam eṣa dhāvati yas saṃgrāmaṃ jayati // (12) Par.?

tam eva bhāgadheyenopadhāvati // (13) Par.?

vājam eva dhāvati // (14) Par.?

jayati saṃgrāmam // (15) Par.?

atho agnir iva na pratidhṛṣe bhavati // (16) Par.?

agnaye vratapataye 'ṣṭākapālaṃ nirvaped ya āhitāgnis sann avratyaṃ caret // (17) Par.?

ānīto vā eṣa devānāṃ ya āhitāgniḥ // (18) Par.?

adanty asyānnam // (19) Par.?

vratapatim etasya vrataṃ gacchati ya āhitāgnis sann avratyaṃ carati // (20) Par.?

agnir devānāṃ vratapatiḥ // (21) Par.?

tam eva bhāgadheyenopadhāvati // (22) Par.?

vratapater evādhi vratam ālabhate // (23) Par.?

agnaye rakṣoghne 'ṣṭākapālaṃ nirvaped āmayāvī // (24) Par.?

indraṃ vai jātaṃ rakṣāṃsy asacanta // (25) Par.?

sa ādīyamāno rakṣobhis saṃmṛśyamāno 'gniṃ prāviśat // (26) Par.?

tasmād agnī rakṣāṃsy apāhan // (27) Par.?

rakṣāṃsy etaṃ sacante ya āmayāvī // (28) Par.?

agnir devānāṃ rakṣohā // (29) Par.?

tam eva bhāgadheyenopadhāvati // (30) Par.?

so 'smād rakṣāṃsy apahanti // (31) Par.?

amāvasyāṃ rātrīṃ niśi yajeta // (32) Par.?

amāvasyāṃ vai rātrīṃ niśi rakṣāṃsi prerate // (33) Par.?

prerṇāny evaināny apavapati // (34) Par.?

pariśrite yajeta // (35) Par.?

rakṣasām antarhityai // (36) Par.?

vāmadevasyaitat pañcadaśaṃ rakṣoghnaṃ sāmidhenyo bhavanti // (37) Par.?

vāmadevaś ca vai kusidāyī cātmanor ājim ayātām // (38) Par.?

tasya kusidāyī pūrvasyātidrutasya kūbaraṃ nyamṛṇat // (39) Par.?

sā dvitīyam upaparyāvartata // (40) Par.?

iṣāṃ vākṣaṃ vā chetsyāmīti // (41) Par.?

sa vāmadeva ukhyam agnim abibhaḥ // (42) Par.?

tam avaikṣata // (43) Par.?

sa etat sūktam apaśyat // (44) Par.?

kṛṇuṣva pājaḥ prasitiṃ na pṛthvīm iti // (45) Par.?

tām agnir anūddrutya samadahat // (46) Par.?

sā dahyamānā hradaṃ kausidaṃ prāmajjat // (47) Par.?

yad etad anūcyate // (48) Par.?

rakṣasāṃ duṣṭyai // (49) Par.?