Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14801
  • Click on a sentence to show its analysis
  • Keep the mouse pointer over a lemma to show its meanings.
devā vai na samajānata // (1) Par.?
te caturdhā vyudakrāmann agnir vasubhis somo rudrair indro marudbhir varuṇa ādityaiḥ // (2) Par.?
tān bṛhaspatir abravīt // (3) Par.?
yājayāni vaḥ // (4) Par.?
saṃ vai jñāsyadhva iti // (5) Par.?
tava gṛhe yājayānīti // (6) Par.?
indram abravīt // (7) Par.?
tava vai śraiṣṭhyāya saṃjñāsyanta iti // (8) Par.?
so 'gnaye vasumate 'ṣṭākapālaṃ niravapat somāya rudravate carum indrāya marutvata ekādaśakapālaṃ varuṇāyādityavate carum // (9) Par.?
tān indrasya gṛhe 'yājayat // (10) Par.?
tato vai te samajānata // (11) Par.?
ta indrasyaiva śraiṣṭhyāya samajānata // (12) Par.?
sa triṣṭubhau yājyānuvākye akarot // (13) Par.?
triṣṭub vā indrasya svaṃ chandaḥ // (14) Par.?
ojaḥ vīryaṃ triṣṭup // (15) Par.?
svenaivāsmiñś chandasaujo vīryam adadhāt // (16) Par.?
tasmād indro devānām ojiṣṭhaḥ // (17) Par.?
ye svā na saṃjānīraṃs tān etayā yājayed yaṃ kāmayeta // (18) Par.?
ayaṃ śreṣṭhas syād iti // (19) Par.?
tasya gṛhe // (20) Par.?
sam eva jānate // (21) Par.?
etā evainaṃ devatā bhāgadheyam abhi saṃjānānās saṃjñāpayanti // (22) Par.?
triṣṭubhau yājyānuvākye kuryāt // (23) Par.?
ojo vai vīryaṃ triṣṭup // (24) Par.?
oja evaiṣu vīryaṃ dadhāti // (25) Par.?
saṃvatī saṃyājye // (26) Par.?
samṛddhyai // (27) Par.?
saiṣā saṃjñānī nāmeṣṭiḥ // (28) Par.?
sam eva jānate // (29) Par.?
prajāpatir vai somāya rājñe duhitṝr adadān nakṣatrāṇi // (30) Par.?
sa rohiṇyām evāvasat // (31) Par.?
tāny anupeyamānāni punar agacchan // (32) Par.?
tasmāt stry anupeyamānā punar gacchati // (33) Par.?
tāny anvāgacchat // (34) Par.?
tāni punar ayācata // (35) Par.?
tāny asmai na punar adadāt // (36) Par.?
so 'bravīt // (37) Par.?
sarveṣv eva samāvad vasa // (38) Par.?
atha te punar dāsyāmīti // (39) Par.?
sa rohiṇyām evāvasat // (40) Par.?
taṃ tasminn anṛte yakṣmo 'gṛhṇāt // (41) Par.?
candramā vai somo rājā // (42) Par.?
yad rājānaṃ yakṣmo 'gṛhṇāt tad rājayakṣmasya janma // (43) Par.?
sa tṛṇam ivāśuṣyat // (44) Par.?
sa prajāpatā anāthata // (45) Par.?
so 'bravīt // (46) Par.?
sarveṣv eva samāvad vasa // (47) Par.?
atha tvāto mokṣyāmīti // (48) Par.?
tasmāc candramās sarveṣu nakṣatreṣu samāvad vasati // (49) Par.?
taṃ vaiśvadevena caruṇāmāvasyāṃ rātrīm ayājayat // (50) Par.?
tenainaṃ yakṣmād amuñcat // (51) Par.?
so 'mum evāpyāyamānam anvāpyāyata // (52) Par.?
vaiśvadevena caruṇāmāvasyāṃ rātrīṃ yajeta yo rājayakṣmād bibhīyāt // (53) Par.?
yakṣmād evainaṃ muñcati // (54) Par.?
so 'mum evāpyāyamānam anvāpyāyate // (55) Par.?
Duration=0.09831690788269 secs.