Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 10408
  • Click on a sentence to show its analysis
  • Keep the mouse pointer over a lemma to show its meanings.
yan me skannaṃ manaso jātavedo yad vāskandaddhaviṣo yatra yatra utpruṣo vipruṣaḥ saṃ juhomi satyāḥ santu yajamānasya kāmāḥ svāhā iti // (1) Par.?
yan me skannaṃ yad asmṛti iti ca skannāsmṛtihomau // (2) Par.?
yad adya tvā prayati iti saṃsthitahomāḥ // (3) Par.?
manasas pate iti uttamaṃ caturgṛhītena // (4) Par.?
barhir ājyaśeṣe 'nakti // (5) Par.?
pṛthivyai tvā iti mūlam antarikṣāya tvā iti madhyaṃ dive tvā iti agram evaṃ triḥ // (6) Par.?
saṃ barhir aktam ity anupraharati yathādevatam // (7) Par.?
sruvam agnau dhārayati // (8) Par.?
yad ājyadhānyāṃ tat saṃsrāvayati saṃsrāvabhāgās taviṣā bṛhantaḥ prastareṣṭhā barhiṣadaś ca devāḥ imaṃ yajñam abhi viśve gṛṇantaḥ svāhā devā amṛtā mādayantām iti // (9) Par.?
sruvo 'si ghṛtād aniśitaḥ sapatnakṣayaṇo divi ṣīda antarikṣe sīda pṛthivyāṃ sīdottaro 'haṃ bhūyāsam adhare matsapatnāḥ iti sruvaṃ prāgdaṇḍaṃ nidadhāti // (10) Par.?
vi muñcāmi brahmaṇā jātavedasam agniṃ hotāram ajaraṃ rathaspṛtam sarvā devānāṃ janimāni vidvān yathābhāgaṃ vahatu havyam agniḥ agnaye svāhā iti samidham ādadhāti // (11) Par.?
edho 'si iti dvitīyāṃ samid asi iti tṛtīyam // (12) Par.?
tejo 'si iti mukhaṃ vimārṣṭi // (13) Par.?
dakṣiṇenāgniṃ trīn viṣṇukramān kramate viṣṇoḥ kramo 'si iti dakṣiṇena pādenānusaṃharati savyam // (14) Par.?
sūryasyāvṛtam ity abhidakṣiṇam āvartate // (15) Par.?
aganma svaḥ ity ādityam īkṣate // (16) Par.?
indrasya vacasā vayaṃ mitrasya varuṇasya ca brahmaṇā sthāpitaṃ pātraṃ punar utthāpayāmasi ity apareṇāgnim udapātraṃ parihṛtyottareṇāgnim āpo hi ṣṭhā mayobhuvaḥ iti mārjayitvā barhiṣi patnyāñjalau ninayati samudraṃ vaḥ pra hiṇomi iti idaṃ janāsaḥ iti vā // (17) Par.?
vīrapatny ahaṃ bhūyāsam iti mukhaṃ vimārṣṭi // (18) Par.?
vratāni vratapataye iti samidham ādadhāti // (19) Par.?
satyaṃ tvartena iti pariṣicyodañci havirucchiṣṭāny udvāsayati // (20) Par.?
pūrṇapātraṃ dakṣiṇā // (21) Par.?
nādakṣiṇaṃ haviḥ kurvīta yaḥ kurute kṛtyām ātmanaḥ kurute iti brāhmaṇam // (22) Par.?
anvāhāryaṃ brāhmaṇān bhojayati // (23) Par.?
yad vai yajñasyānanvitaṃ bhavati tad anvāhāryeṇānvāhriyate // (24) Par.?
etad anvāhāryasyānvāhāryatvam // (25) Par.?
īḍyā vā anye devāḥ saparyeṇyā anye devā īḍyā devā brāhmaṇāḥ saparyeṇyāḥ // (26) Par.?
yajñenaiveḍyān prīṇāti anvāhāryeṇa saparyeṇyān // (27) Par.?
te 'syobhe prītā yajñe bhavantīti // (28) Par.?
imau darśapūrṇamāsau vyākhyātau // (29) Par.?
darśapūrṇamāsābhyāṃ pākayajñāḥ // (30) Par.?
kumbhīpākād eva vyuddhāraṃ juhuyāt // (31) Par.?
adhiśrayaṇaparyagnikaraṇābhighāraṇodvāsanālaṃkaraṇotpavanaiḥ saṃskṛtya // (32) Par.?
athāpi ślokau bhavataḥ ājyabhāgāntaṃ prāktantram ūrdhvaṃ sviṣṭakṛtā saha havīṃṣi yajña āvāpo yathā tantrasya tantavaḥ pākayajñān samāsādyaikājyān ekabarhiṣaḥ ekasviṣṭakṛtaḥ kuryānnānāpi sati daivata iti // (33) Par.?
etenaivāmāvāsyo vyākhyātaḥ // (34) Par.?
aindrāgno 'tra dvitīyo bhavati // (35) Par.?
tayor vyatikrame tvam agne vratapā asi kāmas tadagre iti śāntāḥ // (36) Par.?
Duration=0.14251685142517 secs.