Texts

mānuṣa ity uktaḥ // (1) Par.?

deva savitar etaṃ tvā vṛṇate saha pitrā vaiśvānareṇendra pūṣan bṛhaspate pra ca vada pra ca yaja vasūnāṃ rātau syāma rudrāṇām omyāyāṃ svādityā ādityā anehaso yad asya hotṛvūrye jihmaṃ cakṣuḥ parāpatāt / (2.1) Par.?

agniṣṭat punar ābharāj jātavedā vicarṣaṇir iti / (2.2) Par.?

pravṛto japitvā // (2.3) Par.?

upotthāyādhvaryor dakṣiṇena prādeśena dakṣiṇam aṃsam anvārabhya japati savyena agnīdho dakṣiṇam / (3.1) Par.?

indram anvārabhāmahe hotṛvūrye purohitam / (3.2) Par.?

yenāyann uttamaṃ svar devā aṅgiraso divam / (3.3) Par.?

ṣaṣṭiśca adhvaryū navatiśca pāśā antarā dyāvāpṛthivī vicṛttāḥ / (3.4) Par.?

sinanti pākam adhi dhīra emi syone me dyāvāpṛthivī ubhe ime / (3.5) Par.?

iti // (3.6) Par.?

ṣaṇ morvīr aṃhasaḥ pāntu dyauś ca pṛthivī cāhaś ca rātriś cāpaś cauṣadhayaścetyavasṛjya // (4) Par.?

aindrīm āvṛtam āvarta ādityasya āvṛtam anvāvarta iti dakṣiṇaṃ bāhum anvāvṛtya // (5) Par.?

nirastaḥ parāvasur yo 'smān dveṣṭi yaṃ ca vayaṃ dviṣmas tena saheti hotṛṣadanāt śuṣkaṃ tṛṇam ubhayataḥ praticchidya dakṣiṇāparam avāntaradeśaṃ nirasya // (6) Par.?

apa upaspṛśya // (7) Par.?

aśuṣkam udagagraṃ nidhāya // (8) Par.?

idam aham arvāvasoḥ sadasi sīdāmīty upaviśya // (9) Par.?

dakṣiṇottaram upastham kṛtvā prāñcau pāṇī pragṛhya japati // (10) Par.?

namo dyāvāpṛthivībhyāṃ hotṛbhyāṃ pūrvasūbhyāṃ viśvakarmāṇau tanūpau me sthas tanvaṃ me pātaṃ mā mā hiṃsiṣṭaṃ mā mā saṃtāptam ity āhavanīyaṃ prekṣya gārhapatyaṃ ca // (11) Par.?

udak saṃsarpann āhaiṣa vām ākāśa iti // (12) Par.?

viśve devāḥ śāstana tad adya vāco namo mahadbhya iti japitvā // (13) Par.?

agnir hotā vettu agnir hotraṃ vettu prāvitraṃ sādhu te yajamāna devatety avasāya // (14) Par.?

yo 'gniṃ hotāram avṛthā ity upāṃśu // (15) Par.?

ghṛtavatīm adhvaryo srucam āsyasva devayuvaṃ viśvavārām īḍāmahai devān īḍe 'nyān namasyāma namasyān yajāma yajñiyān iti sruvāv ādāpya pañca prayājān yajati // (16) Par.?