Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agnyādhāna, agnyādheya
Show parallels Show headlines
Use dependency labeler
Chapter id: 14599
- Click on a sentence to show its analysis
- Keep the mouse pointer over a lemma to show its meanings.
yad vā ime vyaitāṃ yad amuṣyā yajñiyam āsīt tad imām abhyasṛjyatoṣāḥ // (1) Par.?
yad ūṣā bhavanti // (2) Par.?
anayor evainaṃ yajñiya ādhatte // (3) Par.?
prājāpatyā vā ūṣāḥ // (4) Par.?
śvaśśvo bhūyāṃso bhavanti // (5) Par.?
prajananāyaivaite // (6) Par.?
paśūnāṃ vā etat priyaṃ dhāma yad ūṣāḥ // (7) Par.?
yad ūṣā bhavanti // (8) Par.?
paśūnām eva priyaṃ dhāmopāpnoti // (9) Par.?
aleled vā iyaṃ pṛthivī // (10) Par.?
sābibhet // (11) Par.?
agnir mātidhakṣyatīti // (12) Par.?
abibhed agniḥ // (13) Par.?
haro me vineṣyatīti // (14) Par.?
ārdreva hīyam āsīt // (15) Par.?
tāṃ devāś śarkarābhir adṛṃhan // (16) Par.?
tejo 'gnā adadhuḥ // (17) Par.?
yac charkarā bhavanti // (18) Par.?
imām eva dṛṃhati // (19) Par.?
tejo 'gnau dadhāti // (20) Par.?
abhimṛtā vā iyaṃ vṛtreṇa // (21) Par.?
vamriyas tvai tad vidur yatrāsyā jīvaṃ yajñiyam // (22) Par.?
yad valmīkavapā bhavati // (23) Par.?
asyā evainaṃ jīve yajñiya ādhatte // (24) Par.?
āpo vā idam āsan // (25) Par.?
salilam eva sa prajāpatir varāho bhūtvopanyamajjat // (26) Par.?
tasya yāvan mukham āsīt tāvatīṃ mṛdam udaharat // (27) Par.?
seyam abhavat // (28) Par.?
yad varāhavihataṃ bhavati // (29) Par.?
asyām evainaṃ pratyakṣam ādhatte // (30) Par.?
varāho vā asyām annaṃ paśyati // (31) Par.?
tasmā iyaṃ vijihīte // (32) Par.?
yad varāhavihataṃ bhavati // (33) Par.?
tad evānnam avarunddhe // (34) Par.?
yat tad ādatta tad aditiḥ // (35) Par.?
yad aprathata tat pṛthivī // (36) Par.?
yad abhavat tad bhūmiḥ // (37) Par.?
yad varāhavihataṃ bhavati // (38) Par.?
prathata eva prajayā paśubhiḥ // (39) Par.?
nānā vai paśūnām annāny anyad gor annam anyad aśvasyānyad avyā anyad ajāyā anyat puruṣasyāpo 'nnam // (40) Par.?
yad apa upasṛjati // (41) Par.?
yāvad evānnaṃ tad avarunddhe // (42) Par.?
pañcaite saṃbhārāḥ // (43) Par.?
pañca vai puruṣe vīryāṇi // (44) Par.?
karoty anayā vīryaṃ karoty anayā karoty anena // (45) Par.?
yāvad eva vīryaṃ tad āpnoti tat spṛṇoti // (46) Par.?
pañcaite saṃbhārāḥ // (47) Par.?
pāṅkto yajñaḥ // (48) Par.?
yajñam evāvarunddhe // (49) Par.?
na vā ṛta ūrjo 'nnaṃ dhinoti // (50) Par.?
ūrg udumbaraḥ // (51) Par.?
yad audumbarāṇi bhavanti // (52) Par.?
anna evorjaṃ dadhāti // (53) Par.?
śamīmayāni bhavanti // (54) Par.?
mithunatvāya // (55) Par.?
agniṃ vai sṛṣṭaṃ prajāpatis taṃ śamyāgre samainddha // (56) Par.?
yac chamīmayāni bhavanti // (57) Par.?
svayaivainaṃ samidhā saminddhe // (58) Par.?
aśvo vai bhūtvāgnir devebhyo 'pākrāmat // (59) Par.?
sa yatrātiṣṭhat tad aśvatthas samabhavat // (60) Par.?
tad aśvatthasyāśvatthatvam // (61) Par.?
yad āśvatthāni bhavanti // (62) Par.?
yad evāsya tatra nyaktaṃ tat tais saṃbharati // (63) Par.?
agnir vai manuṣyair devebhyo 'pākrāmat // (64) Par.?
taṃ devā amanyanta // (65) Par.?
ayaṃ vāvedaṃ bhaviṣyatīti // (66) Par.?
tasya marutas stanayitnunā hṛdayam ācchindan // (67) Par.?
sā divyāśanir abhavat // (68) Par.?
yad vṛkṣasyāśanihatasya bhavati // (69) Par.?
yad evāsya tatra nyaktaṃ tat tais saṃbharati // (70) Par.?
parṇamayāni pañcathāni bhavanti // (71) Par.?
pāṅktatvāya // (72) Par.?
Duration=0.15322685241699 secs.