Texts

tasya yamasyāśvaṃ pratijagṛhuṣo 'rdham indriyasyāpākrāmat // (1) Par.?

sa etena pratyagṛhṇāt // (2) Par.?

so 'rdham indriyasyopādhatta // (3) Par.?

ya etad vidvān aśvaṃ pratigṛhṇāty ardham indriyasyopadhatte // (4) Par.?

ya etad avidvān pratigṛhṇāty ardham asyendriyasyāpakrāmati // (5) Par.?

tasyāgner hiraṇyaṃ pratijagṛhuṣas tṛtīyam indriyasyāpākrāmat // (6) Par.?

sa etena pratyagṛhṇāt // (7) Par.?

sa tṛtīyam indriyasyopādhatta // (8) Par.?

ya etad vidvān hiraṇyaṃ pratigṛhṇāti tṛtīyam indriyasyopadhatte // (9) Par.?

ya etad avidvān pratigṛhṇāti tṛtīyam asyendriyasyāpakrāmati // (10) Par.?

tasya rudrasya gāṃ pratijagṛhuṣaś caturtham indriyasyāpākrāmat // (11) Par.?

sa etena pratyagṛhṇāt // (12) Par.?

sa caturtham indriyasyopādhatta // (13) Par.?

ya etad vidvān gāṃ pratigṛhṇāti caturtham indriyasyopadhatte // (14) Par.?

ya etad avidvān pratigṛhṇāti caturtham asyendriyasyāpakrāmati // (15) Par.?

tasya bṛhaspater vāsaḥ pratijagṛhuṣaḥ pañcamam indriyasyāpākrāmat // (16) Par.?

sa etena pratyagṛhṇāt // (17) Par.?

sa pañcamam indriyasyopādhatta // (18) Par.?

ya etad vidvān vāsaḥ pratigṛhṇāti pañcamam indriyasyopadhatte // (19) Par.?

ya etad avidvān pratigṛhṇāti pañcamam asyendriyasyāpakrāmati // (20) Par.?

tasyottānasyāṅgirasasyāprāṇat pratijagṛhuṣaḥ ṣaṣṭham indriyasyāpākrāmat // (21) Par.?

sa etena pratyagṛhṇāt // (22) Par.?

sa ṣaṣṭham indriyasyopādhatta // (23) Par.?

ya etad vidvān aprāṇat pratigṛhṇāti ṣaṣṭham indriyasyopadhatte // (24) Par.?

ya etad avidvān pratigṛhṇāti ṣaṣṭham asyendriyasyāpakrāmati // (25) Par.?

tasya prajāpateḥ puruṣaṃ pratijagṛhuṣas saptamam indriyasyāpākrāmat // (26) Par.?

sa etena pratyagṛhṇāt // (27) Par.?

sa saptamam indriyasyopādhatta // (28) Par.?

ya etad vidvān puruṣaṃ pratigṛhṇāti saptamam indriyasyopadhatte // (29) Par.?

ya etad avidvān pratigṛhṇāti saptamam asyendriyasyāpakrāmati // (30) Par.?

ka idaṃ kasmā adāt // (31) Par.?

kāmaḥ kāmāyeti // (32) Par.?

kāmo hi dātā // (33) Par.?

kāmaḥ pratigrahītā // (34) Par.?

kāmas samudram āviśad iti // (35) Par.?

samudra iva hi kāmo 'parimitaḥ // (36) Par.?

kāmena tvā pratigṛhṇāmi // (37) Par.?

kāmaitat ta iti // (38) Par.?

kāmenaiva pratigṛhṇāti // (39) Par.?

kāme pratiṣṭhāpayati // (40) Par.?

na ha vai tasminn amuṣmiṃl loke dakṣiṇām icchanti // (41) Par.?

ya evaṃ vidvān dakṣiṇāṃ pratigṛhṇāti yas taṃ devaṃ veda yo 'gre dakṣiṇā anayat pra tāvad āpnoti yāvad dakṣiṇānāṃ netram // (42) Par.?

ya u tān veda yebhyas sa tad anayad dakṣiṇīyo bhavati // (43) Par.?

yas taṃ pratigrahaṃ veda yena te pratyagṛhṇan vasīyān bhavati pratigṛhya // (44) Par.?

vasīyāṃso hi te pratigṛhyābhavan // (45) Par.?

te devās svar itvā vyatṛṣyan // (46) Par.?

te 'viduḥ // (47) Par.?

amutaḥpradānād vā ihājagāmeti // (48) Par.?

ta ṛṣīn abruvan // (49) Par.?

ato no yūyaṃ prayacchateti // (50) Par.?

saptahotṝn kenāyataneneti // (51) Par.?

atraiva vetsyatheti // (52) Par.?

te saptahotrāryamagṛhapatayo nyasīdan // (53) Par.?

saṃtanavāmeti // (54) Par.?

teṣāṃ mahāhavir hotāsīt satyahavir adhvaryur acittapājā agnid acittamanā upavaktānādhṛṣyaś cāpratidhṛṣyaś cābhigarā ayāsya udgātā // (55) Par.?

ta etaṃ graham agṛhṇata // (56) Par.?

ta āyatanam aicchan // (57) Par.?

te trayastriṃśam evāyatanam acāyan // (58) Par.?

tenedaṃ samatanvan // (59) Par.?

trayastriṃśena ca ha vā idaṃ saptahotrā ca saṃtataṃ yad idaṃ devamanuṣyā anyonyasmai pradadati // (60) Par.?

saṃtatam asmā avicchinnaṃ pradīyate ya evaṃ veda // (61) Par.?