Texts

prajās sṛṣṭvā so 'kāmayata // (1) Par.?

yajñaṃ sṛjeyeti // (2) Par.?

sa etaṃ saptahotāram apaśyat // (3) Par.?

taṃ manasānūddrutyājuhot // (4) Par.?

tena yajñam asṛjata // (5) Par.?

so 'smād yajñas sṛṣṭaḥ parāṅ ait // (6) Par.?

taṃ graheṇānūddrutyāgṛhṇāt // (7) Par.?

tad grahasya grahatvam // (8) Par.?

dīkṣiṣyamāṇas saptahotrā purastāj juhuyāt // (9) Par.?

yajñam eva sṛṣṭvālabhya pratanute // (10) Par.?

graho bhavati // (11) Par.?

yajñasya sṛṣṭasya dhṛtyai // (12) Par.?

yajñaṃ sṛṣṭvā so 'kāmayata // (13) Par.?

darśapūrṇamāsau sṛjeyeti // (14) Par.?

sa etaṃ caturhotāram apaśyat // (15) Par.?

taṃ manasānūddrutyājuhot // (16) Par.?

tena darśapūrṇamāsā asṛjata // (17) Par.?

tā asmād darśapūrṇamāsau sṛṣṭau parāñcā aitām // (18) Par.?

tau graheṇānūddrutyāgṛhṇāt // (19) Par.?

tad grahasya grahatvam // (20) Par.?

darśapūrṇamāsā ālapsyamānaś caturhotrā purastāj juhuyāt // (21) Par.?

darśapūrṇamāsā eva sṛṣṭvālabhya pratanute // (22) Par.?

graho bhavati // (23) Par.?

darśapūrṇamāsayos sṛṣṭayor dhṛtyai // (24) Par.?

darśapūrṇamāsau sṛṣṭvā so 'kāmayata // (25) Par.?

cāturmāsyāni sṛjeyeti // (26) Par.?

sa etaṃ pañcahotāram apaśyat // (27) Par.?

taṃ manasānūddrutyājuhot // (28) Par.?

tena cāturmāsyāny asṛjata // (29) Par.?

tāny asmāc cāturmāsyāni sṛṣṭāni parāñcy āyan // (30) Par.?

tāni graheṇānūddrutyāgṛhṇāt // (31) Par.?

tad grahasya grahatvam // (32) Par.?

cāturmāsyāny ālapsyamānaḥ pañcahotrā purastāj juhuyāt // (33) Par.?

cāturmāsyāny eva sṛṣṭvālabhya pratanute // (34) Par.?

graho bhavati // (35) Par.?

cāturmāsyānāṃ sṛṣṭānāṃ dhṛtyai // (36) Par.?

abhicaran daśahotrā juhuyāt // (37) Par.?

nava vai puruṣe prāṇā nābhir daśamī // (38) Par.?

prāṇān evāsyopadāsayati // (39) Par.?

svakṛta iriṇe pradare vā juhuyāt // (40) Par.?

etad vā asyā nirṛtigṛhītam // (41) Par.?

nirṛtyaivainaṃ grāhayati // (42) Par.?

vaṣaṭkaroti // (43) Par.?

etad vai vācaḥ krūram // (44) Par.?

vāca evainaṃ krūreṇa pravṛścati // (45) Par.?

aṅgirasaś ca vā ādityāś ca svarge loke 'spardhanta // (46) Par.?

ta ādityā etaṃ pañcahotāram apaśyan // (47) Par.?

taṃ manasānūddrutyājuhavuḥ // (48) Par.?

tata ādityās svargaṃ lokam āyan // (49) Par.?

apāṅgiraso 'bhraṃśanta // (50) Par.?

te 'ṅgirasa ādityān abruvan // (51) Par.?

kva stha kathaṃ vo havyaṃ vakṣyāma iti // (52) Par.?

chandassv iti // (53) Par.?

abruvan // (54) Par.?

gāyatryāṃ vasavas triṣṭubhi rudrā jagatyām ādityā iti // (55) Par.?

atra vai devebhyas sadbhyo havyam uhyate // (56) Par.?

ya evaṃ devān upadeśanād vedopadeśanavān bhavati // (57) Par.?

yas svargakāmas syāt sa etaṃ pañcahotāraṃ manasānūddrutya juhuyāt // (58) Par.?

pañca vā ṛtavaḥ // (59) Par.?

ṛtavas saṃvatsaraḥ // (60) Par.?

saṃvatsaras svargo lokaḥ // (61) Par.?

ṛtuṣv eva saṃvatsare pratiṣṭhāya svargaṃ lokam eti // (62) Par.?

yo 'brāhmaṇo vidyām anūcya neva roceta sa etāṃś caturhotṝn araṇyaṃ paretya darbhastambam udgrathya brāhmaṇaṃ dakṣiṇato niṣādya vyācakṣīta // (63) Par.?

etad vai devānāṃ brahmāniruktaṃ yac caturhotāraḥ // (64) Par.?

tad enaṃ nirucyamānaṃ prakāśaṃ gamayati // (65) Par.?

darbhastambam udgrathya vyācaṣṭe // (66) Par.?

agnir vai darbhastambaḥ // (67) Par.?

agnimaty eva vyācaṣṭe // (68) Par.?

brāhmaṇo dakṣiṇata āste // (69) Par.?

brāhmaṇo vai prajānām upadraṣṭā // (70) Par.?

upadraṣṭṛmaty eva vyācaṣṭe // (71) Par.?

īśvaraṃ vā etā ubhau yaśo 'rtor yo vyācaṣṭe yaś ca dakṣiṇata āste // (72) Par.?

yo dakṣiṇata āste tasmai varaṃ dadyāt // (73) Par.?

yad eva tatra yaśa ṛcchati tad vareṇāvarunddhe // (74) Par.?