Texts

devā vā asurāṇām veśatvam upāyan // (1) Par.?

tad indro 'pi nopait // (2) Par.?

teṣāṃ vīryāṇy apākrāmann agne rathantaram indrād bṛhad viśvebhyo devebhyo vairūpaṃ savitur vairājaṃ marutāṃ śakvarī tvaṣṭū revatī // (3) Par.?

tānīndro 'varurutsamāno 'nvacarat // (4) Par.?

sa etam aindram apaśyad dvādaśakapālam // (5) Par.?

tena vai sa tānīndriyāṇi vīryāṇy avārunddha // (6) Par.?

tato vai so 'bhavat // (7) Par.?

tata enaṃ devā anusamabhavan // (8) Par.?

etena yajeta bubhūṣann aindreṇa dvādaśakapālena // (9) Par.?

etāny evendriyāṇi vīryāṇy avarunddhe // (10) Par.?

bhavaty eva // (11) Par.?

anv enaṃ svās sambhavanti // (12) Par.?

dvādaśakapālo bhavati // (13) Par.?

vaiśvadevatvāya // (14) Par.?

uttāneṣu kapāleṣv adhiśrayati // (15) Par.?

carum eva karoti // (16) Par.?

śāntyai // (17) Par.?

anirdāhāya // (18) Par.?

sarvāṇi vā etānīndriyāṇi vīryāṇi yat pṛṣṭhāni // (19) Par.?

tāny enam īśvarāṇy anāyatanāni nirmṛjaḥ // (20) Par.?

vyatiṣajed yājyānuvākyāḥ // (21) Par.?

indrāya rāthantarāyānubrūhīti // (22) Par.?

rathantarasyarcam anūcya bṛhata ṛcā yajet // (23) Par.?

indrāya bārhatāyānubrūhīti // (24) Par.?

bṛhata ṛcam anūcya rathantarasyarcā yajet // (25) Par.?

indrāya vairūpāyānubrūhīti // (26) Par.?

vairūpasyarcam anūcya vairājasyarcā yajet // (27) Par.?

indrāya vairājāyānubrūhīti // (28) Par.?

vairājasyarcam anūcya vairūpasyarcā yajet // (29) Par.?

indrāya śākvarāyānubrūhīti // (30) Par.?

śakvarīm anūcya revatyā yajet // (31) Par.?

indrāya raivatāyānubrūhīti // (32) Par.?

revatīm anūcya śakvaryā yajet // (33) Par.?

etair evendriyair vīryair ātmānam abhyatiṣajati // (34) Par.?

anirmārgāya // (35) Par.?

na bṛhatyā vaṣaṭkuryāt // (36) Par.?

bṛhatyā vā idam anvayātayāmatvaṃ prajāḥ prajāyante // (37) Par.?

prajananam apihanyāt // (38) Par.?

paśavo vai bṛhatī // (39) Par.?

rudro 'gniḥ // (40) Par.?

rudrāya paśūn apidadhyāt // (41) Par.?

apaśus syāt // (42) Par.?

anuvākyāyāś catvāry akṣarāṇi yājyām abhyatyūhet // (43) Par.?

tathā te paṅktiś cānuṣṭup ca sampadyete // (44) Par.?

anuṣṭub anuvākyā syāt paṅktir yājyā prajākāmasya vā paśukāmasya vā // (45) Par.?

prajāpatir vā idam āsīt // (46) Par.?

tasya vāg dvitīyāsīt // (47) Par.?

tāṃ mithunaṃ samabhavat // (48) Par.?

sā garbham adhatta // (49) Par.?

sāsmād apākrāmat // (50) Par.?

semāḥ prajā asṛjata // (51) Par.?

sā prajāpatim eva punaḥ prāviśat // (52) Par.?

yad anuṣṭub anuvākyā bhavati paṅktir yājyā // (53) Par.?

vāg vā anuṣṭup // (54) Par.?

pāṅktas saṃvatsaraḥ // (55) Par.?

saṃvatsaraḥ prajāpatiḥ // (56) Par.?

vācy eva saṃvatsaraṃ vṛṣāṇam apisṛjati // (57) Par.?

so 'smai mithunaṃ karoti // (58) Par.?

samantaṃ paryūhaṃ puroḍāśasyāvadyet // (59) Par.?

etair evendriyair vīryais samantam ātmānam abhitaḥ paryūhate // (60) Par.?

astṛtyai // (61) Par.?

etayā yajeta yam ajaghnivāṃsam abhiśaṃseyuḥ // (62) Par.?

devatā vā etasyānnaṃ nādanti yam ajaghnivāṃsam abhiśaṃsanti // (63) Par.?

tasya devaiḥ parivṛjyamānasya manuṣyā annaṃ nādanti // (64) Par.?

tasmād api yam anṛtam abhiśaṃseyus tasyānnaṃ nādyāt // (65) Par.?

sarvadevatyāni pṛṣṭhāni // (66) Par.?

yat sarvapṛṣṭhayā yajate // (67) Par.?

devatā evāsyānnam ādayati // (68) Par.?

tasya pūtasya svaditasya manuṣyā annam adanti // (69) Par.?

saiṣā sarvapṛṣṭhā nāmeṣṭiḥ // (70) Par.?

pṛṣṭham eva samānānāṃ bhavati ya evaṃ vidvān etayā yajate // (71) Par.?