Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 14003
  • Click on a sentence to show its analysis
  • Keep the mouse pointer over a lemma to show its meanings.
gharmaṃ tapāmy amṛtasya dhārayā devebhyo havyaṃ paridāṃ savitre / (1.1) Par.?
śukraṃ devāḥ śṛtam adantu havyam āsañ juhvānam amṛtasya yonau / (1.2) Par.?
devānām adhipā eti gharma ṛtena bhrājann amṛtaṃ vicaṣṭe / (1.3) Par.?
hiraṇyavarṇo nabhaso deva sūryo gharmo bhrājan divo antān paryeṣi vidyutā / (1.4) Par.?
vaiśvānaraḥ samudraṃ paryeti śukro gharmo bhrājan tejasā rocamānaḥ / (1.5) Par.?
nudañchatrūn pradahan me sapatnān ādityo dyām adhyarukṣad vipaścit / (1.6) Par.?
vidyotate dyotata ā ca dyotate apsv antar amṛto gharma udyan / (1.7) Par.?
hantā vṛtrasya haritām anīkam anādhṛṣṭās tanvaḥ sūryasya / (1.8) Par.?
gharmaḥ paścād uta gharmaḥ purastād ayodaṃṣṭrāya dviṣato 'pidadhmaḥ / (1.9) Par.?
vaiśvānaraḥ śītarūre vasānaḥ sapatnān me dviṣato hantu sarvān / (1.10) Par.?
ṛtūn ṛtubhiḥ śrapayati brahmaṇaikavīro gharmaḥ śucānaḥ samidhā samiddhaḥ / (1.11) Par.?
brahma tvā tapati brahmaṇā tejasā ca / (1.12) Par.?
gharmaḥ sāhasraḥ samidhā samiddhaḥ / (1.13) Par.?
asapatnāḥ pradiśo me bhavantu / (1.14) Par.?
sapatnān sarvān me sūryo hantu vaiśvānaro hariḥ / (1.15) Par.?
gharmas taptaḥ pradahatu bhrātṛvyān dviṣato vṛṣā / (1.16) Par.?
udyan me śukra ādityo vimṛdho hantu sūryaḥ / (1.17) Par.?
brahma jajñānam iyaṃ pitryeti śastravad ardharcaśa āhāvapratigaravarjam // (1.18) Par.?
rucir asīti rucitam anumantrayate // (2.1) Par.?
gharmadhug dohāyottiṣṭhata uttiṣṭhatāvapaśyateti // (3.1) Par.?
upahvaya iti gharmadughām // (4.1) Par.?
gharmasūktena gharmaṃ hūyamānam / (5.1) Par.?
svāhākṛta iti dvābhyāṃ gharmasya vaṣaṭkṛte 'nuvaṣaṭkṛte // (5.2) Par.?
bhakṣo vājinavacchṛtaṃ havir madhu havir aśyāma te gharma madhumataḥ pitṛmato vājimato bṛhaspatimato viśvadevyāvata iti // (6.1) Par.?
satre hotādhvaryur brahmodgātānucarā gṛhapatiś ca // (7.1) Par.?
ucchiṣṭakhare pavitrair mārjayante // (8.1) Par.?
sūyavasād iti triruktāyāṃ saṃsthitahomān // (9.1) Par.?
Duration=0.12645292282104 secs.