Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16393
  • Click on a sentence to show its analysis
  • Keep the mouse pointer over a lemma to show its meanings.
adhvaryur yajñopavītī dakṣiṇaṃ jānv ācya mekṣaṇena sthālīpākasyopahatyābhighārya juhoti somāya pitṛpītāya svadhā nama iti prathamām // (1.1) Par.?
yamāyāṅgirasvate pitṛmate svadhā nama iti dvitīyām // (2.1) Par.?
ye mekṣaṇe taṇḍulās tān agnaye kavyavāhanāya sviṣṭakṛte svadhā nama iti tṛtīyām // (3.1) Par.?
tūṣṇīṃ mekṣaṇam ādadhāti // (4.1) Par.?
dakṣiṇāgner ekolmukaṃ nirūhati / (5.1) Par.?
ye rūpāṇi pratimuñcamānā asurāḥ santaḥ svadhayā caranti / (5.2) Par.?
parāpuro nipuro ye haranty agniṣṭāṃl lokāt praṇudātv asmād iti // (5.3) Par.?
yajamānaḥ savyaṃ jānv ācya prācīnāvītī trīn udakāñjalīn ekasphyāyām upaninayaty asāv avaneniṅkṣveti pitaram asāv avanenikṣveti pitāmaham asāv avaneniṅkṣveti prapitāmaham // (6.1) Par.?
atraiva nāmādeśam avācīnapāṇir dakṣiṇāpavargāṃs trīn piṇḍān nidadhāty etat te tata ye ca tvām anv ity etair mantraiḥ // (7.1) Par.?
atha yadi dvipitā syāt pratipūruṣaṃ piṇḍān dadyāt // (8.1) Par.?
api vaikaikasmin piṇḍe dvau dvāv upalakṣayet // (9.1) Par.?
atha yadi jīvapitā syāt pitāmahāya prapitāmahāya ca dadyāt // (10.1) Par.?
na jīvantam atidadātīty ekeṣām // (11.1) Par.?
homāntam eva kurvīta // (12.1) Par.?
Duration=0.025084972381592 secs.