Texts

Help

Select a text:
Bibliography

Select a chapter:
(no revisions)

Associated topic(s): begging, bhikṣu, bhikṣā, parivrājaka, saṃnyāsa

Show parallels Show headlines
Use dependency labeler

Chapter id: 15326

Click on a sentence to show its analysis
Keep the mouse pointer over a lemma to show its meanings.

Wandering ascetic

parivrājakaḥ sarvabhūtābhayadakṣiṇāṃ dattvā pratiṣṭheta // (1.1) Par.?

athāpy udāharanti / (2.1) Par.?

abhayaṃ sarvabhūtebhyo dattvā carati yo muniḥ / (2.2) Par.?

tasyāpi sarvabhūtebhyo na bhayaṃ jātu vidyate // (2.3) Par.?

abhayaṃ sarvabhūtebhyo 'dattvā yas tu nivartate / (3.1) Par.?

hanti jātān ajātāṃśca dravyāṇi pratigṛhya ca // (3.2) Par.?

saṃnyaset sarvakarmāṇi vedam ekaṃ na saṃnyaset / (4.1) Par.?

vedasaṃnyasanācchūdras tasmād vedaṃ na saṃnyaset // (4.2) Par.?

ekākṣaraṃ paraṃ brahma prāṇāyāmāḥ paraṃ tapaḥ / (5.1) Par.?

upavāsāt paraṃ bhaikṣaṃ dayā dānād viśiṣyata iti // (5.2) Par.?

muṇḍo 'mamo 'parigrahaḥ // (6.1) Par.?

saptāgārāṇy asaṃkalpitāni cared bhikṣām // (7.1) Par.?

vidhūme sannamusale // (8.1) Par.?

ekaśāṭīparihitaḥ // (9.1) Par.?

ajinena vā gopralūnais tṛṇair avastṛtaśarīraḥ // (10.1) Par.?

sthaṇḍilaśāyī // (11.1) Par.?

anityāṃ vasatiṃ vaset // (12.1) Par.?

grāmānte devagṛhe śūnyāgāre vā vṛkṣamūle vā // (13.1) Par.?

manasā jñānam adhīyānaḥ // (14.1) Par.?

araṇyanityaḥ // (15.1) Par.?

na grāmyapaśūnāṃ saṃdarśane vicaret // (16.1) Par.?

araṇyanityasya jitendriyasya sarvendriyaprītinivartakasya / (17.1) Par.?

adhyātmacintāgatamānasasya dhruvā hy anāvṛttir upekṣakasyeti // (17.2) Par.?

avyaktaliṅgo 'vyaktācāraḥ // (18.1) Par.?

anunmatta unmattaveṣaḥ // (19.1) Par.?

athāpy udāharanti / (20.1) Par.?

na śabdaśāstrābhiratasya mokṣo na cāpi lokagrahaṇe ratasya // (20.2) Par.?

na cotpātanimittābhyām na nakṣatrāṅgavidyayā / (21.1) Par.?

nānuśāsanavādābhyāṃ bhikṣāṃ lipseta karhicit // (21.2) Par.?

alābhe na viṣādī syāllābhe naiva ca harṣayet / (22.1) Par.?

prāṇayātrikamātraḥ syān mātrāsaṅgād vivarjitaḥ // (22.2) Par.?

na kuṭyāṃ nodake saṅgo na caile na tripuṣkare / (23.1) Par.?

nāgāre nāsane nānne yasya vai mokṣavid tu sa iti // (23.2) Par.?

brāhmaṇakule yāvallabheta tad bhuñjīta sāyaṃ prātar madhumāṃsavarjam // (24.1) Par.?

na ca tṛpyet // (25.1) Par.?

grāme vā vaset // (26.1) Par.?

ajihmo 'śavo 'śaraṇo 'vasaṃkutukaḥ // (27.1) Par.?

na cendriyasaṃsargaṃ kurvīta kenacit // (28.1) Par.?

upekṣakaḥ sarvabhūtānāṃ hiṃsānugrahaparihāreṇa // (29.1) Par.?

paiśunyamatsarābhimānāhaṅkārāśraddhānārjavātmastavaparagarhādambhalobhamohakrodhāsūyāvivarjanaṃ sarvāśramāṇāṃ dharma iṣṭaḥ // (30.1) Par.?

yajñopavīty udakamaṇḍaluhastaḥ śucir brāhmaṇo vṛṣalānnavarjī na hīyate brahmalokād brahmalokād iti // (31.1) Par.?

Duration=0.085273027420044 secs.