Texts

Select a text:
Bibliography

Select a chapter:
(no revisions)

Associated topic(s): penance, prāyaścitta, prāyaścitta

Show parallels Show headlines
Use dependency labeler

Chapter id: 15350

Click on a sentence to show its analysis
Keep the mouse pointer over a lemma to show its meanings.

Penance

atha khalv ayaṃ puruṣo mithyā vyākaroty ayājyaṃ vā yājayaty apratigrāhyaṃ vā pratigṛhṇāty anannaṃ vāśnāty anācaraṇīyam evācarati // (1.1) Par.?

tatra prāyaścittaṃ kuryān na kuryād iti mīmāṃsante // (2.1) Par.?

na kuryād ity āhuḥ // (3.1) Par.?

na hi karma kṣīyata iti // (4.1) Par.?

kuryād ity eva tasmācchrutinidarśanāt // (5.1) Par.?

tarati sarvaṃ pāpmānaṃ tarati brahmahatyāṃ yo 'śvamedhena yajata iti // (6.1) Par.?

iti cābhiśasto gosavenāgniṣṭutā yajeta // (7.1) Par.?

tasya niṣkrayaṇāni japas tapo homa upavāso dānam // (8.1) Par.?

upaniṣado vedādayo vedāntāḥ sarvachandaḥ saṃhitā madhūny aghamarṣaṇam atharvaśiro rudrāḥ puruṣasūktaṃ rājanarauhiṇe sāmanī kūṣmāṇḍāni pāvamānyaḥ sāvitrī ceti pāvanāni // (9.1) Par.?

athāpy udāharanti / (10.1) Par.?

vaiśvānarīṃ vrātapatīṃ pavitreṣṭiṃ tathaiva ca / (10.2) Par.?

sakṛd ṛtau prayuñjānaḥ punāti daśapūruṣam iti // (10.3) Par.?

upavāsanyāyena payovratatā phalabhakṣatā prasṛtayāvako hiraṇyaprāśanaṃ somapānam iti medhyāni // (11.1) Par.?

sarve śiloccayāḥ sarvāḥ sravantyaḥ puṇyā hradās tīrthāny ṛṣinivāsagoṣṭhapariṣkandhā iti deśāḥ // (12.1) Par.?

saṃvatsaro māsaś caturviṃśatyahar dvādaśāhaḥ ṣaḍahas tryahar ahorātrā iti kālāḥ // (13.1) Par.?

etāny evānādeśe vikalpena kriyeran // (14.1) Par.?

enaḥsu guruṣu gurūṇi laghuṣu laghūni // (15.1) Par.?

kṛcchrātikṛcchrau cāndrāyaṇam iti sarvaprāyaścittiḥ sarvaprāyaścittir iti // (16.1) Par.?

Duration=0.043392181396484 secs.