Texts

kāmyaṃ punarādheyam ajānānasya // (1) Par.?

āgneyo 'gnaye ca vaiśvānarāyodvāsayiṣyamāṇasya // (2) Par.?

vaiśvānaro na ūtaya ā prayātu parāvataḥ / (3.1) Par.?

agnirnaḥ suṣṭutīr upa / (3.2) Par.?

pṛṣṭo divi // (3.3) Par.?

madhyāvarṣaṃ punarādheyakālaḥ // (4) Par.?

punarvasū ca nakṣatram // (5) Par.?

yā vāṣāḍhyā uttarāmāvāsyā // (6) Par.?

madhyaṃdinaś ca kālaḥ // (7) Par.?

pañcakapālaś cāgneyaḥ // (8) Par.?

sāmidhenyaś ca pañcadaśa // (9) Par.?

triṣu ca prayājeṣv agniśabdo vikṛtaḥ // (10) Par.?

tanūnapād agnim iḍo 'gninā barhir agniḥ // (11) Par.?

vārtraghnaḥ pūrvājyabhāgaḥ // (12) Par.?

agniṃ stomena bodhayeti vāgnaye buddhimate // (13) Par.?

agna āyūṃṣīty uttaro 'gnaye pavamānāya // (14) Par.?

ehy ū ṣu bravāṇīti vendumate // (15) Par.?

agnir mūrdheti vā retasvate // (16) Par.?

yathācoditaṃ yajati // (17) Par.?

agne tam adyeti prathamātṛtīye haviṣo dvitīyācaturthyau sviṣṭakṛtaḥ // (18) Par.?

devaṃ barhir agner vasuvane devo narāśaṃso 'gnā vasuvane // (19) Par.?

agniśabdaṃ caturṣu pūrveṣu prayājeṣv anuyājayoś ca vibhaktaya ity ācakṣate // (20) Par.?

tāścopāṃśu // (21) Par.?

uttaraś cājyabhāgaḥ // (22) Par.?

haviś ca // (23) Par.?

sarvaṃ vā saha pūrvābhyām anuyājābhyām // (24) Par.?

havirantaṃ vā // (25) Par.?

havir eva vā // (26) Par.?

punarutsyūto jaratsaṃvyāyaḥ punaḥ saṃskṛtaḥ kadratho 'naḍvān hiraṇyaṃ vā dakṣiṇā // (27) Par.?

aditaye dvitīyā // (28) Par.?

amāvāsyāvikāraḥ // (29) Par.?

āgnivāruṇī vā // (30) Par.?

sa tvaṃ no 'gne 'vamas tvaṃ no 'gne varuṇasya vidvān iti // (31) Par.?