Texts

Help

Select a text:
Bibliography
Select a chapter:
 (no revisions)
Associated topic(s): agnicayana

Show parallels  Show headlines
Use dependency labeler
Chapter id: 16309
  • Click on a sentence to show its analysis
  • Keep the mouse pointer over a lemma to show its meanings.
dīkṣayā virāḍ āptavyā // (1) Par.?
tisro rātrīr dīkṣitas syāt // (2) Par.?
tripadā virāṭ // (3) Par.?
virājam evāpnoti // (4) Par.?
ṣaḍ rātrīr dīkṣitas syāt // (5) Par.?
ṣaḍ vā ṛtavas saṃvatsaraḥ // (6) Par.?
saṃvatsaro virāṭ // (7) Par.?
virājam evāpnoti // (8) Par.?
daśa rātrīr dīkṣitas syāt // (9) Par.?
daśākṣarā virāṭ // (10) Par.?
virājam evāpnoti // (11) Par.?
dvādaśa rātrīr dīkṣitas syāt // (12) Par.?
dvādaśa māsās saṃvatsaraḥ // (13) Par.?
saṃvatsaro virāṭ // (14) Par.?
virājam evāpnoti // (15) Par.?
trayodaśa rātrīr dīkṣitas syāt // (16) Par.?
trayodaśa māsās saṃvatsaraḥ // (17) Par.?
saṃvatsaro virāṭ // (18) Par.?
virājam evāpnoti // (19) Par.?
pañcadaśa rātrīr dīkṣitas syāt // (20) Par.?
pañcadaśārdhamāsasya rātryaḥ // (21) Par.?
ardhamāsaśas saṃvatsara āpyate // (22) Par.?
saṃvatsaro virāṭ // (23) Par.?
virājam evāpnoti // (24) Par.?
caturviṃśatiṃ rātrīr dīkṣitas syāt // (25) Par.?
caturviṃśatis saṃvatsarasyārdhamāsāḥ // (26) Par.?
ardhamāsaśas saṃvatsara āpyate // (27) Par.?
saṃvatsaro virāṭ // (28) Par.?
virājam evāpnoti // (29) Par.?
māsaṃ dīkṣitas syāt // (30) Par.?
yo vai māsas sa saṃvatsaraḥ // (31) Par.?
saṃvatsaro virāṭ // (32) Par.?
virājam evāpnoti // (33) Par.?
caturo māso dīkṣitas syāt // (34) Par.?
caturo vā etaṃ māso vasavo 'bibharuḥ // (35) Par.?
te pṛthivīm ājayan gāyatrīṃ chandaḥ // (36) Par.?
aṣṭau rudrāḥ // (37) Par.?
te 'ntarikṣam ājayaṃs triṣṭubhaṃ chandaḥ // (38) Par.?
dvādaśādityāḥ // (39) Par.?
te divam ājayañ jagatīṃ chandaḥ // (40) Par.?
tato vai te vyāvṛtam agacchañchraiṣṭhyaṃ devānām // (41) Par.?
tasmād dvādaśa māso bhṛtvāgniṃ cinvīta // (42) Par.?
dvādaśa māsās saṃvatsaraḥ // (43) Par.?
saṃvatsaro 'gnir vaiśvānaraḥ // (44) Par.?
tasyāhorātrāṇīṣṭakāḥ // (45) Par.?
āpteṣṭakam evainaṃ cinute // (46) Par.?
ṛdhnoti // (47) Par.?
vyāvṛtam eva gacchati śraiṣṭhyaṃ samānānām // (48) Par.?
gāyatraṃ purastād gāyati // (49) Par.?
śiro vai devānāṃ gāyatram // (50) Par.?
gāyatro 'gniḥ // (51) Par.?
tasmād gāyatraṃ purastād gāyati // (52) Par.?
āgnipāvamānyām // (53) Par.?
ayaṃ vāva yaḥ pavate sa prāṇaḥ // (54) Par.?
mukhaṃ devānām agniḥ // (55) Par.?
mukhata eva prāṇaṃ dadhāti // (56) Par.?
tasmān mukhataḥ prāṇaḥ // (57) Par.?
rathantaram uttarād gāyati bṛhad dakṣiṇataḥ // (58) Par.?
pakṣā evāsyopadadhāti // (59) Par.?
iyaṃ vai rathantaram asau bṛhat // (60) Par.?
ābhyām evainaṃ parigṛhṇāti // (61) Par.?
yajñāyajñīyaṃ pucche gāyati śroṇyāṃ vāmadevyam // (62) Par.?
ātmā vai yajñāyajñīyam // (63) Par.?
tanūr vāmadevyam // (64) Par.?
sātmānam evainaṃ satanūṃ cinute // (65) Par.?
hṛdayam apikakṣe // (66) Par.?
tasmād apikakṣe hṛdayam anṛcaṃ bhavati // (67) Par.?
tasmād anasthakaṃ hṛdayam // (68) Par.?
arkyaiḥ parigāyati // (69) Par.?
arko vā agniḥ // (70) Par.?
arkam evārkyaiḥ parigāyati śāntyai // (71) Par.?
Duration=0.16608190536499 secs.