Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14106
  • Click on a sentence to show its analysis
  • Keep the mouse pointer over a lemma to show its meanings.
yad devā devaheḍanaṃ devāsaś cakṛmā vayam / (1.1) Par.?
ādityās tasmān mā muñcatartasyartena mām iti // (1.2) Par.?
devā jīvanakāmyā yad vācānṛtam ūdima / (2.1) Par.?
tasmān na iha muñcata viśve devāḥ sajoṣasaḥ // (2.2) Par.?
ṛtena dyāvāpṛthivī ṛtena tvaṃ sarasvati / (3.1) Par.?
kṛtān naḥ pāhy enaso yat kiṃcānṛtam ūdima // (3.2) Par.?
indrāgnī mitrāvaruṇau somo dhātā bṛhaspatiḥ / (4.1) Par.?
te no muñcantv enaso yad anyakṛtam ārima // (4.2) Par.?
sajātaśaṃsād uta jāmiśaṃsāj jyāyasaḥ śaṃsād uta vā kanīyasaḥ / (5.1) Par.?
anādhṛṣṭaṃ devakṛtaṃ yad enas tasmāt tvam asmāñ jātavedo mumugdhi // (5.2) Par.?
yad vācā yan manasā bāhubhyām ūrubhyām aṣṭhīvadbhyāṃ śiśnair yad anṛtaṃ cakṛmā vayam / (6.1) Par.?
agnir mā tasmād enaso gārhapatyaḥ pramuñcatu cakṛma yāni duṣkṛtā // (6.2) Par.?
yena trito arṇavān nirbabhūva yena sūryaṃ tamaso nirmumoca / (7.1) Par.?
yenendro viśvā ajahād arātīs tenāhaṃ jyotiṣā jyotir ānaśāna ākṣi // (7.2) Par.?
yat kusīdam apratītaṃ mayeha yena yamasya nidhinā carāmi / (8.1) Par.?
etat tadagne anṛṇo bhavāmi jīvann eva prati tat te dadhāmi // (8.2) Par.?
yan mayi mātā yadā pipeṣa yad antarikṣaṃ yad āśasātikramāmi trite devā divi jātā yad āpa imaṃ me varuṇa tat tvā yāmi tvaṃ no agne sa tvaṃ no agne tvam agne ayāsi // (9.1) Par.?
Duration=0.038158893585205 secs.