Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14691
  • Click on a sentence to show its analysis
  • Keep the mouse pointer over a lemma to show its meanings.
prajāpatir vā indrāya vajraṃ pratyamuñcat // (1) Par.?
mahānāmnīs tena vyajayata // (2) Par.?
tato vai so 'bhavat // (3) Par.?
so 'bibhet // (4) Par.?
vajro me 'śānto grīvā apidhakṣyatīti // (5) Par.?
tato revatīr niramimīta // (6) Par.?
śāntyai // (7) Par.?
aindraṃ caruṃ nirvaped rājanyāya bubhūṣate // (8) Par.?
aindro vai rājanyo devatayā // (9) Par.?
svād evainaṃ yoner janayati // (10) Par.?
bhūtyai // (11) Par.?
bhavaty eva // (12) Par.?
revaty anuvākyā // (13) Par.?
śakvarī yājyā // (14) Par.?
vajro vai revatī // (15) Par.?
vajraś śakvarī // (16) Par.?
vajram eva saṃdadhāti // (17) Par.?
tena vijayate // (18) Par.?
bhavaty eva // (19) Par.?
carur bhavati // (20) Par.?
śāntyai // (21) Par.?
anuddāhāya // (22) Par.?
indrāṇyai caruṃ nirvapet senāyām utthitāyāṃ rājño gṛhe // (23) Par.?
senā vā indrāṇī // (24) Par.?
brahmaṇaivaināṃ vittyai saṃśyati // (25) Par.?
balbajā idhme ca barhiṣi cāpibhavanti // (26) Par.?
śakno vā ete jātāḥ // (27) Par.?
nyāyenaivainām abhinayati // (28) Par.?
yat sā vindeta tato dakṣiṇā // (29) Par.?
samṛddhyai // (30) Par.?
indrāya cendrāṇyai ca caruṃ nirvapet senāyām utthitāyāṃ rājño gṛhe // (31) Par.?
eṣā vā indrasya parivṛktī jāyā // (32) Par.?
goṣv evainām adhinayati // (33) Par.?
balbajā idhme ca barhiṣi cāpibhavanti // (34) Par.?
śakno vā ete jātāḥ // (35) Par.?
nyāyenaivainām abhinayati // (36) Par.?
yat sā vindeta tato dakṣiṇā // (37) Par.?
samṛddhyai // (38) Par.?
prajāpatir vai devebhyo bhāgadheyāni vyādiśat // (39) Par.?
tad indriyam atyaricyata // (40) Par.?
tad indro 'bravīt // (41) Par.?
mayīdam astv iti // (42) Par.?
tad asminn adadhāt // (43) Par.?
tad enam atyaty evāricyata // (44) Par.?
tad imāṃl lokān ūrdhvam anūdaśrayata // (45) Par.?
tan naikenāpnon na dvitīyena // (46) Par.?
tat tṛtīyenāptvāvārunddha // (47) Par.?
trīn puroḍāśān nirvaped bubhūṣan // (48) Par.?
traya ime lokāḥ // (49) Par.?
imān eva lokān āptvaujo vīryam avarunddhe // (50) Par.?
uttara uttaro jyāyān bhavati // (51) Par.?
uttara uttaro hy eṣāṃ lokāṇāṃ jyāyān // (52) Par.?
indrāya rājñe prathamam athendrāya svarāje 'thendrāyādhirājāya // (53) Par.?
etāni vai sarvāṇīndro 'bhavan nod // (54) Par.?
etāny eva sarvāṇi bhavati ya evaṃ vidvān etayā yajate // (55) Par.?
tisro 'nuvākyās tā yājyāḥ // (56) Par.?
tāsāṃ prathamām anūcya madhyamayā yajati // (57) Par.?
madhyamām anūcyottamayā yajati // (58) Par.?
uttamām anūcya punaḥ prathamayā yajati // (59) Par.?
eṣāṃ lokānāṃ saṃtatyai // (60) Par.?
prati prajñātyai // (61) Par.?
sarvā evānuvākyāḥ karoti sarvā yājyāḥ // (62) Par.?
devāś ca vā asurāś ca saṃyattā āsan // (63) Par.?
te 'surā bhūyāṃso 'jitamanasa āsan // (64) Par.?
kanīyāṃsaḥ parājitamanastarā iva devāḥ // (65) Par.?
te devā abruvan // (66) Par.?
cikitsata yo no vīryāvattamas tam anusamārabhāmahā iti // (67) Par.?
ta indram abruvan // (68) Par.?
tvaṃ vai no vīryāvattamo 'si // (69) Par.?
tvām anusamārabhāmahā iti // (70) Par.?
so 'bravīt // (71) Par.?
tisro ma imās tanvo vīryāvatīḥ // (72) Par.?
tā me prīṇīta // (73) Par.?
athaitān abhibhaviṣyāma iti // (74) Par.?
tā vai brūhīti // (75) Par.?
abruvan // (76) Par.?
iyaṃ vimṛdheti // (77) Par.?
abravīt // (78) Par.?
iyam aṃhomug iyam indriyāvatīti // (79) Par.?
ta indrāya vimṛdhāyaikādaśakapālaṃ niravapann indrāyāṃhomuca ekādaśakapālam indrāyendriyavata ekādaśakapālam // (80) Par.?
yad indrāya vimṛdhāya // (81) Par.?
mṛdhā vai te 'bhiṣaṇṇā āsan ye śreyobhir asurair aspardhanta // (82) Par.?
mṛdha eva tenāpāghnata // (83) Par.?
yad indrāyāṃhomuce // (84) Par.?
aṃhasā vai te gṛhītā āsan // (85) Par.?
aṃhasa eva tenāmucyanta // (86) Par.?
yad indrāyendriyavate // (87) Par.?
indriyam eva tenātmann adadhata // (88) Par.?
etayā yajeta bhrātṛvyavān yo bahubhrātṛvyas syāt // (89) Par.?
indrāya vimṛdhāyaikādaśakapālaṃ nirvaped indrāyāṃhomuca ekādaśakapālam indrāyendriyavata ekādaśakapālam // (90) Par.?
yad indrāya vimṛdhāya // (91) Par.?
mṛdhā vā eṣo 'bhiṣaṇṇo yaś śreyasā bhrātṛvyeṇa spardhate // (92) Par.?
mṛdha eva tenāpahate // (93) Par.?
yad indrāyāṃhomuce // (94) Par.?
aṃhasā vā eṣa gṛhīto yo bhrātṛvyavān // (95) Par.?
aṃhasa eva tena mucyate // (96) Par.?
yad indrāyendriyavate // (97) Par.?
indriyam eva tenātman dhatte // (98) Par.?
trayastriṃśad vai devatāḥ // (99) Par.?
tās taṃ sarvā vīryair anusamārabhanta // (100) Par.?
sa uttamāṃ vijitim asurair vyajayata // (101) Par.?
tato vai so 'bhavat // (102) Par.?
yat trayastriṃśat kapālāni bhavanti // (103) Par.?
yāvatīr eva devatās tās sarvā vīryair ātmānam anusamārambhayate // (104) Par.?
bhavaty eva // (105) Par.?
saiṣā vijitir nāmeṣṭiḥ // (106) Par.?
uttamām eva vijitiṃ bhrātṛvyeṇa vijayate ya evaṃ vidvān etayā yajate // (107) Par.?
Duration=0.1977071762085 secs.