Texts

yadyaṣṭāpadī syād garbhamañjalau sahiraṇyaṃ sayavaṃ vā ya ātmadā iti khadāyāṃ tryaratnāvagnau sakṛjjuhoti // (1) Par.?

viśasya samavattānyavadyet // (2) Par.?

hṛdayaṃ jihvā śyenaś ca doṣī pārśve ca tāni ṣaṭ / (3.1) Par.?

yakṛdvṛkkau gudaśroṇī tāny ekādaśa daivatāni // (3.2) Par.?

dakṣiṇaḥ kapilalāṭaḥ savyā śroṇir gudaś ca yaḥ / (4.1) Par.?

etāni trīṇi tryaṅgāni sviṣṭakṛdbhāga eva // (4.2) Par.?

tad avadya prajñātāni śrapayet // (5) Par.?

hoṣyan dvirdvir devatānām avadyet // (6) Par.?

sakṛtsakṛt sauviṣṭakṛtānām // (7) Par.?

vapāyāḥ samiddha ūrdhvā asyeti juhoti // (8) Par.?

yuktābhyāṃ tṛtīyām // (9) Par.?

ānumatīṃ caturthīm // (10) Par.?

jātavedo vapayā gaccha devāṃs tvaṃ hi hotā prathamo babhūtha / (11.1) Par.?

ghṛtasyāgne tanvā saṃbhava satyāḥ santu yajamānasya kāmāḥ svāhā // (11.2) Par.?

ūrdhvanabhasaṃ mārutaṃ gacchatam iti vapāśrapaṇyāvanupraharati // (12) Par.?

prācīm ekaśṛṅgāṃ pratīcīṃ dviśṛṅgām // (13) Par.?

pitryeṣu vaha vapāṃ jātavedaḥ pitṛbhyo yatraitān vettha nihitān parāke / (14.1) Par.?

medasaḥ kulyā upa tān sravantu satyā eṣām āśiṣaḥ santu kāmāḥ svāhā svadheti vapāyās trir juhoti // (14.2) Par.?

samavattānām // (15) Par.?

sthālīpākasya samrāḍ asy adhiśrayaṇaṃ nāma sakhīnām abhy ahaṃ viśvā āśāḥ sākṣīya / (16.1) Par.?

kāmo 'si kāmāya tvā sarvavīrāya sarvapuruṣāya sarvagaṇāya sarvakāmāya juhomi / (16.2) Par.?

anv adya no 'numatiḥ pūṣā sarasvatī mahī / (16.3) Par.?

yat karomi tad ṛdhyatām anumataye svāheti juhoti // (16.4) Par.?

ka idaṃ kasmā adāt kāmas tad agre yad annaṃ punar maitv indriyam iti pratigṛhṇāti // (17) Par.?

uttamā sarvakāmā // (18) Par.?

vaśayā pākayajñā vyākhyātāḥ // (19) Par.?