Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14851
  • Click on a sentence to show its analysis
  • Keep the mouse pointer over a lemma to show its meanings.
aśvo na pratigṛhyaḥ // (1) Par.?
ubhayādan vā eṣa // (2) Par.?
etasyendriyaṃ vīryaṃ nirbabhasti yaḥ pratigṛhṇāti // (3) Par.?
tasmān na pratigṛhyaḥ // (4) Par.?
varuṇo vā etam agre pratyagṛhṇāt // (5) Par.?
sa svāṃ devatām ārchat // (6) Par.?
taṃ varuṇo 'gṛhṇāt // (7) Par.?
sa etena vāruṇena haviṣāyajata // (8) Par.?
nirvaruṇatvāya // (9) Par.?
yo 'śvaṃ pratigṛhṇīyāt sa etena vāruṇena haviṣā yajeta // (10) Par.?
nirvaruṇatvāya // (11) Par.?
catuṣkapālo bhavati // (12) Par.?
catuṣpād vā aśvaḥ // (13) Par.?
pratyakṣam evainaṃ varuṇapāśān muñcati // (14) Par.?
tad āhuḥ // (15) Par.?
na vai tenetarebhyo mucyate yad enam ekasmān muñcatīti // (16) Par.?
yāvato 'śvān pratigṛhṇīyāt tāvataś catuṣkapālān nirvapet // (17) Par.?
atrātra vai varuṇapāśaḥ // (18) Par.?
yatrayatraiva varuṇapāśas tata enaṃ varuṇān muñcati // (19) Par.?
eko 'dhibhavati // (20) Par.?
yasyaiva nādhiyanti tasmād enaṃ tena muñcati // (21) Par.?
atho bhaviṣyad eva varuṇasyāvayajate // (22) Par.?
bhūyas tvā etaṃ varuṇo gṛhṇāti ya etayeṣṭvāparam aśvaṃ pratigṛhṇāti // (23) Par.?
yady aparam aśvaṃ pratigrahīṣyan syāt sauryavāruṇāṃ kuryāt // (24) Par.?
sūryam eva devatām etaṃ lokam upapratigṛhṇāti // (25) Par.?
varuṇād enaṃ vāruṇena muñcati // (26) Par.?
apāṃnaptrīyaś carur apibhavati // (27) Par.?
ayonir vā aśvo 'psujāḥ // (28) Par.?
yonimantam evainaṃ kṛtvā pratiṣṭhāpayati // (29) Par.?
ekaviṃśatis sāmidhenyo bhavanti // (30) Par.?
ekaviṃśo vai saṃvatsaraḥ // (31) Par.?
pañcartavaḥ // (32) Par.?
dvādaśa māsāḥ // (33) Par.?
traya ime lokāḥ // (34) Par.?
asā ādityaḥ ekaviṃśaḥ // (35) Par.?
eṣa prajāpatiḥ // (36) Par.?
prājāpatyo 'śvaḥ // (37) Par.?
aśvam evāpnoti // (38) Par.?
yas te rājan varuṇa gāyatracchandāḥ pāśas taṃ ta etad avayaje tasmai svāhā // (39) Par.?
yas te rājan varuṇa triṣṭupchandā jagacchandā anuṣṭupchandāḥ pāśas taṃ ta etad avayaje tasmai svāheti // (40) Par.?
etāvanti vai chandāṃsi // (41) Par.?
chandāṃsi varuṇapāśāḥ // (42) Par.?
tair eṣa gṛhṇāti yaṃ varuṇo gṛhṇāti // (43) Par.?
atrātra vai varuṇapāśaḥ // (44) Par.?
yatrayatraiva varuṇapāśas tata enaṃ varuṇān muñcati // (45) Par.?
apāṃnaptrīye dve apibhavataḥ // (46) Par.?
yā evāsyāpsavyau pāśau tābhyām enaṃ tena muñcati // (47) Par.?
ṣaḍ etāni juhoti // (48) Par.?
ṣaḍ vā ṛtavaḥ // (49) Par.?
ṛtuṣv eva pratitiṣṭhati // (50) Par.?
Duration=0.10084676742554 secs.