Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14863
  • Click on a sentence to show its analysis
  • Keep the mouse pointer over a lemma to show its meanings.
devā vā oṣadhīṣu pakvāsv ājim ayuḥ // (1) Par.?
sa indro 'vet // (2) Par.?
agnir vā ujjeṣyatīti // (3) Par.?
so 'bravīt // (4) Par.?
yataro nā ujjayāt tan nau saheti // (5) Par.?
so 'gnir eva pūrva udajayat // (6) Par.?
tad indro 'nūdajayat // (7) Par.?
tasmād āgnendram aindrāgnaṃ kāryam // (8) Par.?
agnir hi pūrva udajayat // (9) Par.?
tad indro 'nūdajayat // (10) Par.?
abhijityā evāgrāyaṇam // (11) Par.?
dvādaśakapālo bhavati // (12) Par.?
saṃvatsarāddhy etad adhibhavati // (13) Par.?
saptadaśa sāmidhenyo bhavanti // (14) Par.?
saṃvatsarāddhy etad adhibhavati // (15) Par.?
ekā vai tarhi vrīheś śnuṣṭir āsīd ekā yavasyaikā māṣasyaikā tilasya // (16) Par.?
te viśve devā abruvan // (17) Par.?
bhāgo no 'stu // (18) Par.?
vayam idaṃ prathayiṣyāma iti // (19) Par.?
tebhya etaṃ bhāgam akurvan // (20) Par.?
tato vā idam aprathata bhūmne // (21) Par.?
vaiśvadevaḥ // (22) Par.?
prathayaty evaitena // (23) Par.?
payasi bhavati // (24) Par.?
vaiśvadevatvāya // (25) Par.?
vaiśvadevaṃ hi payaḥ // (26) Par.?
atha vā iyam abravīt // (27) Par.?
mayi vā etad adhy asau vṛṣṭyā pacati nāvābhyām ṛta ujjeṣyatheti // (28) Par.?
tābhyām etaṃ bhāgam akurvan // (29) Par.?
ekakapālam // (30) Par.?
pratiṣṭhityai // (31) Par.?
dyāvāpṛthivyam // (32) Par.?
grāmyā vā anyā oṣadhayaḥ // (33) Par.?
āraṇyā anyāḥ // (34) Par.?
tā asyaitenobhayīr eṣṭā bhavanti // (35) Par.?
soma oṣadhīnām adhirājaḥ // (36) Par.?
tasyaiṣa uddhāro yad akṛṣṭapacyam // (37) Par.?
uddhāra evāsya // (38) Par.?
eṣa bhāga eva // (39) Par.?
yad āraṇyaṃ tasyaitenāgraṃ kriyate // (40) Par.?
yat phālakṛṣṭaṃ tasyetareṇa // (41) Par.?
vatsaḥ prathamajo dakṣiṇā // (42) Par.?
reta eva hy eṣo 'prajātaḥ // (43) Par.?
prajananāya // (44) Par.?
sarvasmai vā eṣo 'bhiṣicyate yad āgrāyaṇam // (45) Par.?
rājasūye bhavati // (46) Par.?
annam evāvarunddhe // (47) Par.?
tad asya svaditam iṣṭaṃ bhavati // (48) Par.?
ānīto vā eṣa devānāṃ ya āhitāgniḥ // (49) Par.?
adanty asyānnam // (50) Par.?
yad aniṣṭvāgrāyaṇena navasyāśnīyād devānāṃ bhāgaṃ pratikᄆptam adyāt // (51) Par.?
ārtim ārchet // (52) Par.?
tasmān nāniṣṭvāgrāyaṇena navasyāśitavyam // (53) Par.?
etena vai devā agraṃ paryāyan // (54) Par.?
tad āgrāyaṇasyāgrāyaṇatvam // (55) Par.?
agram eva samānānāṃ paryeti ya evaṃ vidvān āgrāyaṇena yajate // (56) Par.?
Duration=0.17966198921204 secs.