Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14866
  • Click on a sentence to show its analysis
  • Keep the mouse pointer over a lemma to show its meanings.
viśvarūpo vai triśīrṣāsīt tvaṣṭuḥ putro 'surāṇāṃ svasrīyaḥ // (1) Par.?
sa somam ekena śīrṣṇāpibat // (2) Par.?
annam ekenāvayat // (3) Par.?
surām ekenāpibat // (4) Par.?
sa indro 'manyata // (5) Par.?
ayaṃ vāvedaṃ bhaviṣyatīti // (6) Par.?
tena samalabhata // (7) Par.?
tena yugaśaram apadyata // (8) Par.?
sa takṣāṇaṃ tiṣṭhantam abravīt // (9) Par.?
ādhāvāsyemāni śīrṣāṇi cchinddhīti // (10) Par.?
tasya takṣopādrutya paraśunā śīrṣāṇy achinat // (11) Par.?
tasmāt takṣṇaś śiro dhṛtam // (12) Par.?
tasmād asyānnam anādyam // (13) Par.?
tasya yat somapānaṃ śira āsīt sa kapiñjalo 'bhavat // (14) Par.?
yad annādanaṃ sa tittiriḥ // (15) Par.?
yat surāpānaṃ sa kalaviṅkaḥ // (16) Par.?
tasmāt sa nitatatapam iva vadati // (17) Par.?
sa tvaṣṭā putrahato vīndraṃ somam āharat // (18) Par.?
tam adhas sahasraśale 'sunot // (19) Par.?
atho āhuḥ // (20) Par.?
śataśala iti // (21) Par.?
tam asyendraḥ prāsahāpahṛtya nāḍyā nirapibat // (22) Par.?
sa viṣvak somapīthena vyārdhyata // (23) Par.?
tasmāt somo nānupahūtena pātavai // (24) Par.?
somapīthena vyardhuko bhavati // (25) Par.?
tasya yan nasto 'mucyata tau siṃhā abhavatām // (26) Par.?
yad akṣībhyāṃ tau śārdūlau // (27) Par.?
yat karṇābhyāṃ tau vṛkau // (28) Par.?
yad adhastāt sā sautrāmaṇī // (29) Par.?
yat prathamaṃ niraṣṭhīvat tat kuvalam abhavat // (30) Par.?
yad dvitīyaṃ tad badaram // (31) Par.?
yat tṛtīyaṃ tat karkandhu // (32) Par.?
tam aśvinā abhiṣajyatām // (33) Par.?
tam ayājayatām etayā sautrāmaṇyā // (34) Par.?
sa yair eva tad vīryair vyārdhyata tāny asminn āptvādhattām // (35) Par.?
etayā yajeta yaṃ somo 'tipaveta // (36) Par.?
vīryeṇa vā eṣa vyṛdhyate yaṃ somo 'tipavate // (37) Par.?
yāvad eva vīryaṃ tad asmin dadhāti // (38) Par.?
eṣaiva rājasūye 'pi bhavati // (39) Par.?
vīryeṇa vā eṣa vyṛdhyate yo rājasūyenābhiṣicyate // (40) Par.?
vṛtraṃ hi hanti // (41) Par.?
yāvad eva vīryaṃ tad asmin dadhāti // (42) Par.?
etayaiva brāhmaṇo vā rājanyo vā bubhūṣan yajeta // (43) Par.?
etāvad vai vīryam // (44) Par.?
yāvad eva vīryaṃ tad asmin dadhāti // (45) Par.?
tad āhuḥ // (46) Par.?
ārtayajño vā eṣa nānārta etayā yajeteti // (47) Par.?
tad āhuḥ // (48) Par.?
yaṣṭavyam eva // (49) Par.?
sarvo hi puruṣa ārtaḥ // (50) Par.?
sarvo bubhūṣati // (51) Par.?
tasmād yaṣṭavyam // (52) Par.?
yad āśvinaḥ // (53) Par.?
aśvinau hy abhiṣajyatām // (54) Par.?
yat sārasvataḥ // (55) Par.?
vāg vai sarasvatī // (56) Par.?
vācā hy abhiṣajyatām // (57) Par.?
yad aindraḥ // (58) Par.?
indre hi tad vīryam adhattām // (59) Par.?
kuvalasaktubhir āśvinaṃ śrīṇāti // (60) Par.?
badarasaktubhir aindram // (61) Par.?
karkandhusaktubhis sārasvatam // (62) Par.?
vāg vai sarasvatī // (63) Par.?
vācy evāsya svādmānaṃ dadhāti // (64) Par.?
atho yainam asau vāg aślīlam abhivadati sainaṃ punaḥ kalyāṇam abhivadati // (65) Par.?
siṃhā adhvaryur manasā dhyāyet // (66) Par.?
śārdūlau pratiprasthātā // (67) Par.?
vṛkau yajamānaḥ // (68) Par.?
surā bhavati // (69) Par.?
yair eva tad vīryair vyṛdhyate tāny asminn āptvā dhattaḥ // (70) Par.?
Duration=0.23571419715881 secs.