Texts

kāṇḍopākaraṇe cāmātṛkasya // (1) Par.?

kāṇḍasamāpane cāpitṛkasya // (2) Par.?

manuṣyaprakṛtīnāṃ ca devānāṃ yajñe bhuktvety eke // (3) Par.?

paryuṣitais taṇḍulair āmamāṃsena ca nānadhyāyāḥ // (4) Par.?

tathauṣadhivanaspatimūlaphalaiḥ // (5) Par.?

yat kāṇḍam upākurvīta yasya cānuvākyaṃ kurvīta na tat tad ahar adhīyīta // (6) Par.?

upākaraṇasamāpanayoś ca pārāyaṇasya tāṃ vidyām // (7) Par.?

vāyur ghoṣavān bhūmau vā tṛṇasaṃvāho varṣati vā yatra dhārāḥ pravahet // (8) Par.?

grāmāraṇyayoś ca sandhau // (9) Par.?

mahāpathe ca // (10) Par.?

viproṣya ca samadhyayanaṃ tad ahaḥ // (11) Par.?

svairikarmasu ca // (12) Par.?

yathā pādaprakṣālanotsādanānulepanāṇīti // (13) Par.?

tāvantaṃ kālaṃ nādhīyītādhyāpayed vā // (14) Par.?

sandhyoḥ // (15) Par.?

tathā vṛkṣam ārūḍhaḥ // (16) Par.?

apsu cāvagāḍhaḥ // (17) Par.?

naktaṃ cāpāvṛte // (18) Par.?

divā cāpihite // (19) Par.?

avihitam anuvākādhyayanam āṣāḍhavāsantikayoḥ // (20) Par.?

nityapraśnasya cāvidhinā // (21) Par.?

tasya vidhiḥ // (22) Par.?

akṛtaprātarāśa udakāntaṃ gatvā prayataḥ śucau deśe 'dhīyīta yathādhyāyam utsṛjan vācā // (23) Par.?

manasā cānadhyāye // (24) Par.?

vidyuti cābhyagrāyāṃ stanayitnāv aprāyatye pretānne nīhāre ca mānasaṃ paricakṣate // (25) Par.?

śrāddhabhojana evaike // (26) Par.?

vidyutstanayitnur vṛṣṭiś cāpartau yatra saṃnipateyus tryaham anadhyāyaḥ // (27) Par.?

yāvad bhūmir vyudakety eke // (28) Par.?

ekena dvābhyāṃ vaiteṣām ākālam // (29) Par.?

sūryācandramasor grahaṇe bhūmicale 'pasvāna ulkāyām agnyutpāte ca sarvāsāṃ vidyānāṃ sārvakālikam ākālam // (30) Par.?

abhraṃ cāpartau sūryācandramasoḥ pariveṣa indradhanuḥ pratisūryamatsyaś ca vāte pūtīgandhe nīhāre ca sarveṣv eteṣu tāvantaṃ kālam // (31) Par.?

muhūrtaṃ virate vāte // (32) Par.?

salāvṛkyām ekasṛka iti svapnaparyāntam // (33) Par.?

naktaṃ cāraṇye 'nagnāv ahiraṇye vā // (34) Par.?

ananūktaṃ cāpartau chandaso nādhīyīta // (35) Par.?

pradoṣe ca // (36) Par.?

sārvakālikam āmnātam // (37) Par.?

yathoktam anyad ataḥ pariṣatsu // (38) Par.?