UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 11581
- Click on a sentence to show its analysis
- Keep the mouse pointer over a lemma to show its meanings.
āyurdā iti godānaṃ kārayiṣyan saṃbhārān saṃbharati // (1)
Par.?
amamrim ojomānīṃ dūrvām akarṇam aśmamaṇḍalam ānaḍuhaśakṛtpiṇḍaṃ ṣaḍ darbhaprāntāni kaṃsam ahate vasane śuddham ājyam śāntā oṣadhīr navam udakumbham // (2)
Par.?
bāhyataḥ śāntavṛkṣasyedhmaṃ prāñcam upasamādhāya // (3)
Par.?
parisamuhya paryukṣya paristīrya barhir udapātram upasādya paricaraṇenājyaṃ paricarya // (4)
Par.?
nityān purastāddhomān hutvājyabhāgau ca // (5)
Par.?
paścād agneḥ prāṅmukha upaviśyānvārabdhāya śāntyudakaṃ karoti // (6)
Par.?
tatraitat sūktam anuyojayati // (7)
Par.?
trir evāgniṃ samprokṣati triḥ paryukṣati // (8)
Par.?
triḥ kārayamāṇam ācāmayati ca samprokṣati ca // (9)
Par.?
śakṛtpiṇḍasya sthālarūpaṃ kṛtvā suhṛde brāhmaṇāya prayacchati // (10)
Par.?
tat suhṛd dakṣiṇato 'gner udaṅmukha āsīno dhārayati // (11)
Par.?
athāsmā anvārabdhāya karoti // (12)
Par.?
āyurdā ity anena sūktenājyaṃ juhvan mūrdhni saṃpātān ānayati // (13)
Par.?
dakṣiṇe pāṇāvaśmamaṇḍala udapātra uttarasaṃpātān sthālarūpa ānayati // (14)
Par.?
amamrim ojomānīṃ codapātre 'vadhāya // (15)
Par.?
sthālarūpe dūrvāṃ śāntyudakam uṣṇodakaṃ caikadhābhisamāsicya // (16) Par.?
āyam agan savitā kṣureṇa ity udapātram anumantrayate // (17)
Par.?
aditiḥ śmaśru ity undati // (18)
Par.?
yat kṣureṇa ity udakpattraṃ kṣuram adbhi ścotya triḥ pramārṣṭi // (19)
Par.?
yenāvapat iti dakṣiṇasya keśapakṣasya darbhapiñjūlyā keśān abhinidhāya pracchidya sthālarūpe karoti // (20)
Par.?
evam eva dvitīyaṃ karoti // (21)
Par.?
evaṃ tṛtīyam // (22)
Par.?
evam evottarasya keśapakṣasya karoti // (23)
Par.?
Duration=0.063309192657471 secs.