Texts

Help

Select a text:
Bibliography
Select a chapter:
 (no revisions)
Associated topic(s): agnicayana

Show parallels  Show headlines
Use dependency labeler
Chapter id: 16197
  • Click on a sentence to show its analysis
  • Keep the mouse pointer over a lemma to show its meanings.
athaitā nairṛtīḥ // (1) Par.?
tisraḥ kṛṣṇās tuṣapakvāḥ // (2) Par.?
yat kṛṣṇā eṣa hi taṃ varṇas sacate yaṃ nirṛtir gṛhṇāti // (3) Par.?
etad vai nirṛtyā bhāgadheyam // (4) Par.?
yat tuṣā rūpeṇa caiva bhāgadheyena ca nirṛtiṃ niravadayate // (5) Par.?
yad asya pāre rajasa iti vaiśvānaryādatte // (6) Par.?
svadayaty eva // (7) Par.?
imāṃ diśaṃ haranti // (8) Par.?
etāṃ hi taṃ diśaṃ haranti yaṃ nirṛtir gṛhṇāti // (9) Par.?
eṣā vai nirṛtyā dik // (10) Par.?
svāyām eva diśi nirṛtiṃ niravadayate // (11) Par.?
svakṛta iriṇa upadadhāti // (12) Par.?
etad vā asyā nirṛtigṛhītam // (13) Par.?
yatraivāsyā nirṛtigṛhītaṃ nirṛtiṃ niravadayate // (14) Par.?
parācīr upadadhāti // (15) Par.?
parācīm eva nirṛtiṃ niravadayate // (16) Par.?
tisra upadadhāti // (17) Par.?
tredhāvihito vai puruṣaḥ // (18) Par.?
yāvān evāsyātmā tasmān nirṛtiṃ niravadayate // (19) Par.?
yaṃ te devī nirṛtir ābabandheti śikyam adhinyasyati // (20) Par.?
nairṛto vai pāśaḥ // (21) Par.?
nirṛtipāśād evainaṃ muñcati // (22) Par.?
pitṛlokaṃ vā ete nigacchanti ye dakṣiṇā nairṛtībhiś caranti // (23) Par.?
devaloka āhavanīyaḥ // (24) Par.?
yad āhavanīyam upatiṣṭhate devalokam evopāvartate // (25) Par.?
triṣṭubhopatiṣṭhate // (26) Par.?
vīryaṃ vai triṣṭup // (27) Par.?
vīryam evāsmin dadhāti // (28) Par.?
ekayā // (29) Par.?
ekadhaivāsmin vīryaṃ dadhāti // (30) Par.?
Duration=0.070256948471069 secs.