Texts

Help

Select a text:
Bibliography
Select a chapter:
 (no revisions)
Associated topic(s): śrāddha

Show parallels  Show headlines
Use dependency labeler
Chapter id: 14813
  • Click on a sentence to show its analysis
  • Keep the mouse pointer over a lemma to show its meanings.
Ancestral offering
saha devamanuṣyā asmiṃlloke purā babhūvuḥ / (1.1) Par.?
atha devāḥ karmabhir divaṃ jagmur ahīyanta manuṣyāḥ / (1.2) Par.?
teṣāṃ ye tathā karmāṇy ārabhante saha devair brahmaṇā cāmuṣmiṃlloke bhavanti / (1.3) Par.?
athaitan manuḥ śrāddhaśabdaṃ karma provāca // (1.4) Par.?
prajāniḥśreyasā ca // (2) Par.?
tatra pitaro devatā brāhmaṇās tv āhavanīyārthe // (3) Par.?
māsi māsi kāryam // (4) Par.?
aparapakṣasyāparāhnaḥ śreyān // (5) Par.?
tathāparapakṣasya jaghanyāny ahāni // (6) Par.?
sarveṣv evāparapakṣasyāhassu kriyamāṇe pitṝn prīṇāti / (7.1) Par.?
kartus tu kālābhiniyamāt phalaviśeṣaḥ // (7.2) Par.?
prathame 'hani kriyamāṇe strīprāyam apatye jāyate // (8) Par.?
dvitīye 'stenāḥ // (9) Par.?
tṛtīye brahmavarcasinaḥ // (10) Par.?
caturthe kṣudrapaśumān // (11) Par.?
pañcame pumāṃsaḥ / (12.1) Par.?
bahvapatyo na cānapatyaḥ pramīyate // (12.2) Par.?
ṣaṣṭhe 'dhvaśīlo 'kṣaśīlaś ca // (13) Par.?
saptame karṣe rāddhiḥ // (14) Par.?
aṣṭame puṣṭiḥ // (15) Par.?
navama ekakhurāḥ // (16) Par.?
daśame vyavahāre rāddhiḥ // (17) Par.?
ekādaśe kṛṣṇāyasaṃ trapusīsam // (18) Par.?
dvādaśe paśumān // (19) Par.?
trayodaśe bahuputro bahumitro darśanīyāpatyaḥ / (20.1) Par.?
yuvamāriṇas tu bhavanti // (20.2) Par.?
caturdaśa āyudhe rāddhiḥ // (21) Par.?
pañcadaśe puṣṭiḥ // (22) Par.?
tatra dravyāṇi tilamāṣā vrīhiyavā āpo mūlaphalāni // (23) Par.?
snehavati tv evānne tīvratarā pitṝṇāṃ prītir drāghīyāṃsaṃ ca kālam // (24) Par.?
tathā dharmāhṛtena dravyeṇa tīrthe pratipannena // (25) Par.?
saṃvatsaraṃ gavyena prītiḥ // (26) Par.?
bhūyāṃsam ato māhiṣeṇa // (27) Par.?
etena grāmyāraṇyānāṃ paśūnāṃ māṃsaṃ medhyaṃ vyākhyātam // (28) Par.?
Duration=0.1261420249939 secs.