Texts

Help

Select a text:
Bibliography
Select a chapter:
 (no revisions)
Associated topic(s): pravargya

Show parallels  Show headlines
Use dependency labeler
Chapter id: 15368
  • Click on a sentence to show its analysis
  • Keep the mouse pointer over a lemma to show its meanings.
gharmājaṭharānnādam māsmiñ jane kurutam annādo 'ham asmiñ jane bhūyāsam iti // (1) Par.?
indrāgnī vai devānāṃ gharmājaṭharau // (2) Par.?
tā annādyasyeśāte // (3) Par.?
tā asmā annādyam prayacchataḥ // (4) Par.?
annādo bhavati ya evaṃ veda // (5) Par.?
kavīmātariśvānā puṣṭivantaṃ māsmiñ jane kurutam // (6) Par.?
puṣṭivān aham asmiñ jane bhūyāsam iti // (7) Par.?
[... au1 letterausjhjh] vai devānāṃ kavīmātariśvānau // (8) Par.?
tau puṣṭer īśāte // (9) Par.?
tā asmai puṣṭim prayacchataḥ // (10) Par.?
puṣṭivān bhavati ya evaṃ veda // (11) Par.?
arkāsadhasthā cakṣuṣmantam māsmiñ jane kurutam // (12) Par.?
cakṣuṣmān aham asmiñ jane bhūyāsam iti // (13) Par.?
mitrāvaruṇā vai devānām arkāsadhasthā // (14) Par.?
tau cakṣuṣa īśāte // (15) Par.?
tā asmai cakṣuḥ prayacchataḥ // (16) Par.?
cakṣuṣmān bhavati ya evaṃ veda // (17) Par.?
pitarāmātarā śrotravantaṃ māsmiñ jane kurutaṃ // (18) Par.?
śrotravān aham asmiñ jane bhūyāsam iti // (19) Par.?
dyāvāpṛthivī vai devānāṃ pitarāmātarau // (20) Par.?
tau śrotrasyeśāte // (21) Par.?
tā asmai śrotraṃ prayacchataḥ // (22) Par.?
śrotravān bhavati ya evaṃ veda // (23) Par.?
yamāṅgirasā āyuṣmantaṃ māsmiñ jane kurutam // (24) Par.?
āyuṣmān aham asmiñ jane bhūyāsam iti // (25) Par.?
yamaś caiva varuṇaś ca devānāṃ yamāṅgirasau // (26) Par.?
tā āyuṣa īśāte // (27) Par.?
tā asmā āyuḥ prayacchataḥ // (28) Par.?
āyuṣmān bhavati ya evaṃ veda // (29) Par.?
aśyāma te gharma madhumataḥ pitumato namas te astu mā mā hiṃsīr ity ātmano 'hiṃsāyai // (30) Par.?
jyotir asi vanaspatīnāṃ rasa iti madhunā prathamam pūrayati // (31) Par.?
vanaspatīnāṃ vā eṣa puṣpaphalānām raso yan madhu // (32) Par.?
tenaivainaṃ samardhayati // (33) Par.?
tad āhāyur vai madhu // (34) Par.?
āyur agnau pradadhyāt pramāyukas syād iti // (35) Par.?
yad āha āyur mayi dhehīti āyur evātman dhatte // (36) Par.?
āyuṣmān bhavati // (37) Par.?
jyotir bhā asy apām oṣadhīnāṃ rasa iti ghṛtena dvitīyam // (38) Par.?
etad vā etasya priyaṃ dhāma tenaivainaṃ samardhayati yad āha cakṣur mayi dhehīti // (39) Par.?
cakṣur evātman dhatte // (40) Par.?
cakṣuṣmān bhavati // (41) Par.?
[... au1 letterausjhjh] iti dadhnā tṛtīyam // (42) Par.?
etad vā etasya priyaṃ dhāma tenaivainaṃ samardhayati yad āhorjam mayi dhehīti // (43) Par.?
ūrjam [... au1 letterausjhjh] evātman dhatte // (44) Par.?
ūrjasvān bhavati // (45) Par.?
ugraś ca dhuniś cety araṇye 'nuvākyo gaṇaś śāntyai // (46) Par.?
agne vratapate vāyo vratapate sūrya vratapata iti // (47) Par.?
ete vai devānāṃ vratapatayaḥ // (48) Par.?
tebhya eva procyāvāntaradīkṣām upaiti // (49) Par.?
pṛthivī samid iti yathāyajuḥ // (50) Par.?
Duration=0.097194910049438 secs.