Texts

Help

Select a text:
Bibliography
Select a chapter:
 (no revisions)
Associated topic(s): agnihotra

Show parallels  Show headlines
Use dependency labeler
Chapter id: 14945
  • Click on a sentence to show its analysis
  • Keep the mouse pointer over a lemma to show its meanings.
athāgnihotram // (1) Par.?
agnihotraṃ sāyaṃprātar gṛhāṇāṃ niṣkṛtim apaśyann iti vijñāyate // (2) Par.?
agnihotrasya yajñakrator eka ṛtvig adhvaryuḥ // (3) Par.?
sāyam adhivṛkṣasūrye 'rdhāstamitasūrye vā jvalantaṃ gārhapatyād āhavanīyam uddharati prātar uṣasi prāg udayād vāpi vā naktam āhavanīyaṃ dhārayet // (4) Par.?
sugārhapatya ud budhyasveti dvābhyāṃ gārhapatyam upasthāyoddhareti yajamānaḥ saṃpreṣyati // (5) Par.?
dhṛṣṭir asi brahma yacchety adhvaryur upaveṣam ādāya vācā tvā hotreti tena gārhapatyād āhavanīyam uddharati // (6) Par.?
ihāmehām iti yathāyony anvāhāryaṃ nidadhāti // (7) Par.?
bhūr bhuvaḥ suvar ity uddhṛtaṃ yajamāno 'bhimantrayate 'hnā yad ena iti sāyaṃ rātryā yad ena iti prātar // (8) Par.?
amṛtāhutim ity āyatane pratiṣṭhāpayaty agnim agnau svāheti sāyaṃ pratyaṅmukhaḥ sūryam agnau svāheti prātaḥ prāṅmukhaḥ // (9) Par.?
viśvadānīm ābharanta iti svayam idhmahasto yajamāno vihāram abhyeti // (10) Par.?
yad agne yāni kāni ceti pañcabhiḥ pratimantram agniṣv idhmān ādadhāti // (11) Par.?
agne gṛhapate śundhasvety etaiḥ pañcabhiḥ paryukṣaṇaparisamūhanoparipuṣpakaraṇair agnīn alaṃkaroti purastād upariṣṭāc ca // (12) Par.?
darbhaiḥ prāg uttarāgram agnīn paristṛṇāti // (13) Par.?
Duration=0.12582802772522 secs.