Texts

Help

Select a text:
Bibliography
Select a chapter:
 (no revisions)
Associated topic(s): agnihotra

Show parallels  Show headlines
Use dependency labeler
Chapter id: 14979
  • Click on a sentence to show its analysis
  • Keep the mouse pointer over a lemma to show its meanings.
payasā mumukṣoḥ śrīkāmasya vā juhuyād ājyena tejaskāmasya dadhnendriyakāmasya yavāgvā grāmakāmasyaudanenānnādyakāmasya taṇḍulair ojaskāmasya pāpmānaṃ hantukāmasya vā piṣṭena vidyākāmasya somena brahmavarcasakāmasya // (1) Par.?
dadhnas taṇḍulānāṃ somasya nādhiśrayaṇapratiṣecane // (2) Par.?
pratiṣekakāla ājyasya darbhataruṇau pratyasyet // (3) Par.?
parvaṇy eva rājanyasyāgnihotraṃ bhavati // (4) Par.?
aharahar nityaṃ brāhmaṇebhyo 'nnaṃ dīyate // (5) Par.?
tad etad antarāle 'syāgnihotraṃ bhavati // (6) Par.?
nityam agnir upastheyaḥ // (7) Par.?
yaḥ somayājī tasya sadāgnihotraṃ juhuyāt // (8) Par.?
ahar ahar yajamānaḥ svayam agnihotram juhuyācchiṣyo vā // (9) Par.?
dīdihi dīdyāsaṃ dīditā me 'si svāhety agnīn upasaminddhe // (10) Par.?
apiprer agne svāṃ tanvam ayāḍ dyāvāpṛthivī ūrjam asmāsu dhehīty agnihotrasthālyāṃ barhir aṅktvāhavanīye 'nupraharati // (11) Par.?
sā hy agnihotrasya saṃsthitiḥ // (12) Par.?
na barhir anupraharet // (13) Par.?
asaṃsthito vā eṣa yajño yad agnihotram iti vijñāyate // (14) Par.?
Duration=0.029789924621582 secs.