Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 14990
  • Click on a sentence to show its analysis
  • Keep the mouse pointer over a lemma to show its meanings.
yajamāno 'gniṃ gṛhṇāmi surathaṃ vasūn rudrān imām ūrjam iti trīn āhavanīye 'nvādhīyamāne japati paurṇamāsaṃ havir iti paurṇamāsyām āmāvāsyaṃ havir ity amāvāsyāyām // (1) Par.?
antarāgnī paśava ity antarāgnī tiṣṭhañ japati // (2) Par.?
adhvaryur mama devā iti gārhapatyam anvādadhāti // (3) Par.?
iha prajā iha paśava iti dvau yajamāno japati // (4) Par.?
adhvaryur mayi devā ity anvāhāryapacanam anvādadhāti // (5) Par.?
ayaṃ pitṝṇām iti yajamāno japati // (6) Par.?
vyāhṛtībhir anvādadhātīty eke // (7) Par.?
ajasraṃ tvāṃ sabhāpālā ity adhvaryuḥ sabhyam anvādadhati // (8) Par.?
tam eva yajamāno japati // (9) Par.?
annam āvasathīyam ity adhvaryur āvasathyam anvādadhāti // (10) Par.?
tam eva yajamāno japati // (11) Par.?
adhvaryuṇānvāhiteṣv idam aham agnijyeṣṭhebhya ity uttarata upaviśati japati // (12) Par.?
payasvatīr oṣadhaya iti prāg barhiṣaḥ paurṇamāsyāṃ dampatī māṣamāṃsavarjaṃ sarpiṣā dadhnā payasā vā miśram aśnītaḥ prāg vatsebhyo 'māvāsyāyām // (13) Par.?
kāmaṃ suhitau syātām // (14) Par.?
vidyud asīty apa upaspṛśyāpareṇāhavanīyaṃ dakṣiṇātikramya payasvatīr oṣadhaya ity apa ācāmati // (15) Par.?
devā deveṣu parākramadhvam iti devatā upatiṣṭhate // (16) Par.?
agne vratapata iti pañcabhir āhavanīye samidho 'bhyādadhāti // (17) Par.?
samudraṃ manasā dhyāyann agne vratapate vrataṃ cariṣyāmīti pañcabhir yathāliṅgaṃ devatā upatiṣṭhamāno vratam upaiti // (18) Par.?
samrāḍ asīty ādityam upatiṣṭhate // (19) Par.?
yady astam ite vratam upeyād āhavanīyam evaitenopatiṣṭhate // (20) Par.?
parvaṇi yajamānaḥ svayam agnihotraṃ juhoti yavāgvām āvāsyāyāṃ saṃ nayann agnihotroccheṣaṇam ātañcanāya nidadhāti // (21) Par.?
satyavādyastryupāyī sāyamāśe grāmyān upavasatyāraṇyasyāśnāty apo vāśnāti na vā kiṃcana // (22) Par.?
yena prātar yakṣyamāṇaḥ syāt tannāśnīyāt // (23) Par.?
Duration=0.040059089660645 secs.